ۇلتتىق ۇلاننىڭ اسكەري قىزمەتشىسىن ارىپتەسى بايقاۋسىزدا اتىپ جىبەرگەن. بۇل تۋرالى قازاقستان رەسپۋبليكاسىنىڭ ۇلتتىق ۇلانىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
اقپارات بويىنشا، قايعىلى وقيعا 12 قاراشادا بولعان.
پەتروپاۆل قالاسىنداعى 6637 اسكەري ءبولىمىنىڭ كەلىسىمشارت بويىنشا اسكەري قىزمەتشىسىن ارىپتەسى ابايسىزدا اتىپ جىبەردى. ول شۇعىل تۇردە مەديتسينالىق مەكەمەگە جەتكىزىلدى. بىراق اسكەري قىزمەتشىنى قۇتقارۋ مۇمكىن بولمادى، - دەپ مالىمدەدى ۆەدومستۆو.
قازىرگى كۇنى قىزمەتتىك تەرگەۋ باستالدى، وقيعانىڭ ءمان-جايى انىقتالىپ جاتىر.
