الماتىداعى قازاقستان-بريتان تەحنيكالىق ۋنيۆەرسيتەتى (قبتۋ) الاڭىندا «بولاشاق ءبىلىم بەرۋ – ەكوجۇيە، تەحنولوگيا، ادام» تاقىرىبىمەن EDUFEST-2026 كونفەرەنتسياسى ءوتتى.
EDUFEST-2026 كونفەرەنتسياسىنىڭ ماقساتى قانداي؟
EDUFEST بيىل پەداگوگتەر، وقىتۋشىلار جانە باسقارۋشى كوماندالار ءۇشىن كاسىبي الاڭ قۇرۋعا باعىتتالدى. مۇندا تسيفرلىق داۋىردە ءبىلىم بەرۋدى ترانسفورماتسيالاۋ بويىنشا پراكتيكالىق شەشىمدەر تالقىلانىپ قانا قويماي، ناقتى كورسەتىلەدى. ياعني، وقىتۋعا جاساندى ينتەللەكت پەن EdTech قۇرالدارىن ەنگىزۋ، «مەكتەپ–كوللەدج–جوو» ءبىلىم بەرۋ ەكوجۇيەسى مەن سەرىكتەستىگىن دامىتۋ، وقىتۋ ساپاسىن جانە ادام كاپيتالىن دامىتۋ دەڭگەيىن كوتەرۋ ءۇشىن تاجىريبە الماسۋ ارقىلى ءبىلىم بەرۋ ۇيىمدارىنا جۇمىس ىستەيتىن تاسىلدەردى ۇسىنۋ، ءتيىمدى مودەلدەردى تاراتۋ جانە وزگەرىستەردى جۇيەلى تۇردە ىسكە اسىرۋعا جول اشۋ كوزدەلەدى.
بىلىمگە قولداۋ كورسەتۋ – جاس قازاقستاندىقتاردىڭ بولاشاعىنا ينۆەستيتسيا
Halyk قايىرىمدىلىق قورى بىلىمگە قولداۋ كورسەتۋدى ەلدىڭ ەرتەڭىنە سالىنعان ينۆەستيتسيا رەتىندە قاراستىرادى.
ء«بىلىم بەرۋ سالاسىنا جۇيەلى قولداۋ كورسەتۋ — Halyk قورى قىزمەتىنىڭ نەگىزگى باسىمدىقتارىنىڭ ءبىرى. وسى سەبەپتى ءبىز EDUFEST-2026 جوباسىنا قولداۋ كورسەتەمىز. ءبىز ءۇشىن زاماناۋي ءبىلىم بەرۋ پراكتيكاسى مەن تەحنولوگيالارىنىڭ ەلىمىزدىڭ بارلىق وڭىرىندەگى پەداگوگتار مەن باسقارۋشى كوماندالارعا قولجەتىمدى بولۋى اسا ماڭىزدى.
NNEF-پەن بىرلەسىپ، وقىتۋشىلار قۇرامىن دامىتۋعا ەرەكشە نازار اۋدارا وتىرىپ، دارىندى وقۋشىلاردىڭ حالىقارالىق باعدارلامالار بويىنشا ساپالى ءبىلىم الۋىنا مۇمكىندىك جاسايمىز.
جالپى، Halyk قورى 2025 جىلدىڭ وزىندە 60 الەۋمەتتىك جوبانى ىسكە اسىرىپ، 10,3 ملرد تەڭگە كولەمىندە قولداۋ كورسەتتى. بۇل جوبالار ءبىلىم بەرۋ، ەكولوگيا، الەۋمەتتىك قولداۋ، ينفراقۇرىلىم جانە تسيفرلىق دامۋ باعىتتارىن قامتىدى»، -
دەدى Halyk قايىرىمدىلىق قورىنىڭ ديرەكتورى ساعىنبەك شۇڭكەەۆ.
EDUFEST-2026 اياسىندا باسقا سپيكەر-قولداۋشىلار دا پىكىر ءبىلدىردى. NNEF وكىلى ماريا كوۆجاساروۆا جي مۇعالىمدى الماستىرماي، پەداگوگتىڭ جۇمىسىن كۇشەيتەتىنىن ايتتى. قبتۋ-دان ءسابيت سۇلتانوۆ ۋنيۆەرسيتەتتىڭ مەكتەپ–جوو–ۇزدىكسىز وقىتۋدى بىرىكتىرەتىن اشىق الاڭ ەكەنىن اتاپ ءوتتى. MIRAS ديرەكتورى يرينا ۆلاسيانتس مۇعالىمنىڭ ءرولى شەشۋشى بولىپ قالا بەرەتىنىن، ال جي — ساباققا كومەكتەسەتىن قۇرال ەكەنىن جەتكىزدى. ال مارينا ۇمبەتاليەۆا مەكتەپكە دەيىنگى بىلىمدە تەحنولوگيا بالامەن جاندى قارىم-قاتىناستى تولىقتىرۋعا ءتيىس ەكەنىن ايتتى.
جي، EdTech, big data جانە بىلىمگە تەڭ قولجەتىمدىلىك
EDUFEST-2026 باعدارلاماسى ءبىلىم بەرۋ تەحنولوگيالارى مەن تسيفرلىق پەداگوگيكانى، وقىتۋداعى جاساندى ينتەللەكتىنى، ۇزدىكسىز ءبىلىم بەرۋ مەن جەكە تراەكتوريالاردى، ينكليۋزيا جانە بىلىمگە قول جەتكىزۋ تەڭدىگىن، soft skills پەن ەموتسيونال ينتەللەكتىنى، ءبىلىم بەرۋ ەكوجۇيەلەرى مەن حابتارىن، سونداي-اق، باعالاۋ مەن big data مۇمكىندىكتەرىن قامتىدى.
ءىس-شارا مازمۇنى جەتەكشى ساراپشىلاردىڭ keynote-باياندامالارى، EdTalks فورماتىنداعى پانەلدىك پىكىرتالاستار، ينتەراكتيۆ جانە سەسسيالار ارقىلى اشىلدى. سونىمەن قاتار، قاتىسۋشىلارعا ارنالعان پراكتيكالىق بولىكتە EdTech كەيستەرى مەن دەموزونالار، VR/AR كورسەتىلىمدەرى جانە EduDebate فورماتىنداعى ستۋدەنتتىك دەباتتار ۇيىمداستىرىلدى.
ايتا كەتەيىك، شارا NNEF قوعامدىق قورى، قبتۋ جانە MIRAS حالىقارالىق مەكتەپتەرىنىڭ ۇيىمداستىرۋىمەن ءوتتى. باس سەرىكتەس – تيمۋر قۇلىباەۆتىڭ Halyk قايىرىمدىلىق قورى.
