15 اقپاندا اقش پرەزيدەنتى دونالد ترامپ اكىمشىلىگىنىڭ وكىلدەرى رەسەي مەن ۋكراينا كەلىسسوزشىلەرىمەن كەزدەسۋگە ساۋد ارابياسىنا اتتاندى، دەپ حابارلايدى "ادىرنا" ۇلتتىق پورتالى.
Politico باسىلىمىنىڭ جازۋىنشا، ترامپ اكىمشىلىگىنىڭ جوعارى لاۋازىمدى تۇلعالارى ساۋد ارابياسىنا رەسەي مەن ۋكراينا وكىلدەرىمەن بەيبىت كەلىسسوزدەر جۇرگىزۋ ءۇشىن بارادى. الايدا ۋكراينالىق شەنەۋنىك بۇل كەلىسسوزدەر تۋرالى حابارلاما كيەۆ ءۇشىن كۇتپەگەن جاڭالىق بولعانىن جانە قازىرگى ۋاقىتتا ۋكراينالىق دەلەگاتسيانى جىبەرۋ جوسپارى جوق ەكەنىن مالىمدەدى.
Politico دەرەكتەرىنە سايكەس، اقش اتىنان كەلىسسوزدەرگە مەملەكەتتىك حاتشى ماركو رۋبيو، ۇلتتىق قاۋىپسىزدىك جونىندەگى كومەكشى مايك ۋولتتس، تاياۋ شىعىس جونىندەگى ارنايى وكىل ستيۆ ۋيتكوفف قاتىسادى.
ال ترامپتىڭ ۋكراينا جونىندەگى ارنايى وكىلى كيت كەللوگ بۇل كەلىسسوزدەرگە قاتىسپايدى.
"ەۋروپالىق وداقتىڭ ءىرى مەملەكەتتەرىنىڭ وكىلدەرىن شاقىرۋ جوسپاردا جوق", – دەپ جازىلعان جاريالانىمدا.
