AQŞ prezidentı Donald Tramp İran bilıgıne narazylyq aksiialaryna qatysqan jüzdegen adamǧa qatysty ölım jazasyn oryndaudan bas tartqany üşın alǧys bıldırdı, dep habarlaidy "Adyrna" ūlttyq portaly.
Būl turaly ol Truth Social äleumettık jelısındegı paraqşasynda jazdy.
Tramptyŋ aituynşa, İranda 800-den astam narazylyq bıldıruşını darǧa asu arqyly ölım jazasyna kesu josparlanǧan, alaida būl ükımder soŋǧy sätte toqtatylǧan.
«Darǧa asu arqyly jüzege asyryluy tiıs jazalardyŋ toqtatylǧanyn zor qūrmetpen qabyldaimyn. Osy şeşım üşın alǧys aitamyn», – dep jazdy AQŞ prezidentı.
Aita keteiık, 9 qaŋtar künı Tegeran qalasynyŋ prokurory Ali Salehi narazylyq kezınde ört qoiu, memlekettık mülıktı joiu jäne qauıpsızdık küşterımen qaruly qaqtyǧysqa qatysqandar ölım jazasyna kesıluı mümkın ekenın mälımdegen edı.
