ەنەرگەتيكا ءمينيسترى ەرلان اقكەنجەنوۆ بۇعان دەيىن تاپسىرعان تابىس دەكلاراتسياسىندا قانداي سومانى كورسەتكەنىن ايتتى، دەپ حابارلايدى «ادىرنا» ءتىلشىسى.
«مەن – ساياسي مەملەكەتتىك قىزمەتكەرمىن. دەكلاراتسيانى زاڭ تالاپتارىنا سايكەس تاپسىردىم. ەگەر قوسىمشا تابىس تۋرالى ايتساڭىز، وتكەن جىلعى جالعىز كىرىس كوزىم مينيسترلىكتەگى جالاقىم بولدى»،- دەدى مينيستر.
جۋرناليستەرمەن اڭگىمە بارىسىندا شەنەۋنىك جالاقىسىنىڭ مولشەرىن دە ناقتىلادى. اككەنجەنوۆتىڭ ايتۋىنشا، اي سايىنعى تابىسى شامامەن 1,2 ميلليون تەڭگەنى قۇرايدى. سونىمەن قاتار دەكلاراتسيادا زاڭ بويىنشا بەرىلەتىن سىيلىقاقىلار دا كورسەتىلگەن.
جىل بويى دەكلاراتسيالانعان جالپى تابىس سوماسى تۋرالى سۇراققا مينيستر ونىڭ 20 ميلليون تەڭگەدەن ءسال اساتىنىن ايتتى.
ەسكە سالساق، وتكەن جىلدىڭ سوڭىندا مينيسترلىكتەر مەن پارلامەنتتىڭ رەسمي سايتتارىندا 2024 جىلعى دەكلاراتسيالار جاريالانعان بولاتىن.
