«ادال ازامات» جول كارتاسىنىڭ 17.3-تارماعىن ىسكە اسىرۋ اياسىندا «ۇزدىك مەملەكەتتىك قىزمەتشى» مەدالىنىڭ يەگەرى، الماتى قالاسى اكىمى اپپاراتىنىڭ بىرىڭعاي پەرسونالدى باسقارۋ قىزمەتىنىڭ باسشىسى گۇلنارا قۋانىشقىزى مولداشەۆا جاس مەملەكەتتىك قىزمەتكەرلەرمەن مازمۇندى كەزدەسۋ وتكىزدى.
كەزدەسۋ بارىسىندا گۇلنارا قۋانىشقىزى مولداشەۆا الماتى قالاسى ادىلەت دەپارتامەنتىنە العاش رەت مەملەكەتتىك قىزمەتكە قابىلدانعان جاس ماماندارعا مەملەكەتتىك قىزمەت سالاسىنداعى قولدانىستاعى زاڭناما تالاپتارى مەن نەگىزگى نورمالاردى ءتۇسىندىردى. سونىمەن قاتار، مەملەكەتتىك قىزمەتشىنىڭ قۇقىقتىق مارتەبەسى، الەۋمەتتىك قورعالۋى، قىزمەتتىك ميسسياسى مەن كاسىبي ەتيكالىق تالاپتارى تۋرالى كەڭىنەن باياندادى.
سونداي-اق، سپيكەر مەملەكەتتىك قىزمەتتەگى ءوز ەڭبەك جولى، جيناقتاعان كاسىبي تاجىريبەسى جانە جاۋاپتى قىزمەتتىڭ ماڭىزدىلىعى جونىندە وي ءبولىسىپ، جاس ماماندارعا پايدالى كەڭەستەر بەردى.
