الماتىدا ەكس-پوليتسەي ۇستالدى، دەپ حابارلايدى "ادىرنا" ۇلتتىق پورتالى.
بۇگىن قالالىق پوليتسيا دەپارتامەنتىنىڭ بۇرىنعى ورىنباسارى بەرىك ابىلبەكوۆ قاڭتار وقيعاسى كەزىندە ازاماتتاردى ازاپتاۋ دەرەگى بويىنشا ۇستالدى.
"باس پروكۋراتۋرامەن 2022 جىلدىڭ قاڭتارىندا الماتى وبلىسى قاراساي اۋدانى كوشمامبەت اۋىلىندا ورنالاسقان ارنايى قابىلداۋ ورنىندا ازاماتتاردى ازاپتاۋ بويىنشا قىلمىستىق ءىس تەرگەلىپ جاتقانى بەلگىلى. تەرگەلىپ جاتقان قىلمىستىق ءىس شەڭبەرىندە، 2024 جىلعى 28 مامىردا قپك-ءنىڭ 128-بابىنا سايكەس الماتى قالاسى پوليتسيا دەپارتامەنتى باستىعىنىڭ بۇرىنعى ورىنباسارى ب. ابيلبەكوۆ ۇستالدى", - دەلىنگەن پروكۋراتۋرا مالىمدەمەسىندە.
بۇل رەتتە قۇزىرلى ورگان قپك-ءنىڭ 201-بابى نەگىزىندە ءىس بويىنشا وزگە دە تولىعىراق اقپارات جاريا ەتۋگە جاتپايتىنىن مالىمدەدى.
