الماتىداعى ۆيچ انىقتالعان اۋرۋحانانىڭ باس دارىگەرى جۇمىستان شەتتەتىلدى. بۇل تۋرالى الماتى قوعامدىق دەنساۋلىق ساقتاۋ باسقارماسىنىڭ باسشىسى يران شامەتەكوۆتىڭ مالىمدەدى، دەپ حابارلايدى “ادىرنا” ۇلتتىق پورتالى.
تەرگەۋ قورىتىندىسىنا سايكەس، ورتالىق قالالىق كلينيكالىق اۋرۋحانادا مەديتسينالىق كومەك كورسەتۋ الگوريتمى ساقتالعان. الايدا ينفەكتسيا جۇقتىرۋ دەرەگى ادامي فاكتورمەن بايلانىستى. اتاپ ايتساق، ورتا مەدقىزمەتكەرلەر سانيتارلىق-ەپيدەميولوگيالىق نورمالاردى بۇزعان.
قازىرگى تاڭدا ۆيچ انىقتالعان 3 ناۋقاس جيتس ورتالىعىنىڭ ديسپانسەرلىك تىركەۋىنە الىندى. انتيرەتروۆيرۋستىق پرەپاراتتارمەن قامتاماسىز ەتىلدى. قاجەتتى مەديتسينالىق جانە پسيحولوگيالىق كومەك جەرگىلىكتى بيۋدجەت ەسەبىنەن كورسەتىلۋدە. بولعان جاعدايعا بايلانىستى، سونىمەن قاتار ەڭبەك كودەكسىنىڭ 48-بابى 2-بولىگى بويىنشا قالالىق اۋرۋحانانىڭ باس دارىگەرى تابىنباەۆ ن.ب. جۇمىسىنان شەتتەتىلدى، – دەدى ول.
ودان قوسا، اس دارىگەردىڭ ەپيدەميولوگيا بويىنشا ورىنباسارى، جانساقتاۋ ءبولىمىنىڭ مەڭگەرۋشىسى، باس مەدبيكە مەن جانساقتاۋ ءبولىمىنىڭ اعا مەدبيكەسى جۇمىستان شىعارىلدى.
