ورتالىق ازيا قالالارى تىزىمىندە الماتى ءبىرىنشى ورىندى يەلەندى. بۇل تۋرالى Oxford Economics كونسالتينگتىك كومپانياسى 2025 جىلعا ارنالعان Global Cities Index رەيتينگىن جاريالادى، دەپ حابارلايدى “ادىرنا”.
رەيتينگتە الماتى مەن استانا ورتالىق ازيا ەلدەرى اراسىندا جوعارى ساتىدا تۇر.
الماتى جالپى رەيتينگتە 258-ورىندى يەلەنسە، «ادامي كاپيتال» ساناتىندا قازاقستاننىڭ 64-ورىنعا جايعاسقان.
ورتالىق ازيا قالالارى تىزىمىندە الماتى ءبىرىنشى ورىندى يەلەندى. ودان كەيىن استانا (276-ورىن) كەلەدى.
سونداي-اق تىزىمگە تاشكەنت قالاسى ەنىپ، ورتالىق ازيا بويىنشا ءۇشىنشى، جالپى ەسەپتە 471-ورىندى يەلەندى.
بىشكەك ورتالىق ازيا بويىنشا ءتورتىنشى، جالپى رەيتينگتە 498-ورىندا تۇر. ۇزدىك بەس ورتالىقازيالىق قالالار ءتىزىمىن شىمكەنت (534-ورىن) قورىتىندىلايدى.
ايتا كەتسەك، Oxford Economics – ەكونوميكالىق زەرتتەۋلەر مەن بولجامدارعا ماماندانعان جەتەكشى تاۋەلسىز كونسالتينگتىك فيرما. ولار بيزنەسكە، مەملەكەتتەرگە جانە حالىقارالىق ۇيىمدارعا بەلگىسىزدىك جاعدايىندا ستراتەگيالىق شەشىمدەر قابىلداۋعا كومەكتەسەتىن اناليتيكالىق قىزمەتتەر مەن مودەلدەردى ۇسىنادى. Oxford Economics ساراپشىلارى الەمدەگى مىڭداعان ءىرى قالانى بەس نەگىزگى كريتەري بويىنشا باعالايدى: ەكونوميكا، ادامي كاپيتال، ەكولوگيا، باسقارۋ جانە ءومىر ساپاسى.
2025 جىلى رەيتينگتى نيۋ-يورك باستاپ تۇر.
ۇقساس جاڭالىقتار
