قازاقستان ۋكرايناعا نوۆوروسسيسك تەڭىز پورتى اكۆاتورياسىندا حالىقارالىق كاسپي قۇبىر كونسورتسيۋمىنىڭ اسا ماڭىزدى ينفراقۇرىلىمىنا باعىتتالعان كەزەكتى ماقساتتى شابۋىلعا بايلانىستى رەسمي تۇردە نارازىلىق ءبىلدىردى، دەپ حابارلايدى “ادىرنا”.
سىرتقى ىستەر مينيسترلىگىنىڭ رەسمي وكىلى ايبەك سمادياروۆ كاسپي قۇبىر كونسورتسيۋمىنا جاسالعان شابۋىلعا قاتىستى مالىمدەمە جاسادى.
بۇل – حالىقارالىق قۇقىق نورمالارىمەن قورعالاتىن ازاماتتىق نىسانعا قارسى جاسالعان ءۇشىنشى اگرەسسيالىق اكت.
قازاقستان جاھاندىق ەنەرگەتيكالىق نارىقتىڭ جاۋاپتى قاتىسۋشىسى رەتىندە ەنەرگيا رەسۋرستارىن تۇراقتى جانە ۇزدىكسىز جەتكىزۋدىڭ ماڭىزدىلىعىن ەرەكشە اتاپ ءوتتى.
«وسى وقيعانى قازاقستان رەسپۋبليكاسى مەن ۋكراينانىڭ ەكىجاقتى قاتىناستارىنا زالال كەلتىرەتىن ارەكەت رەتىندە باعالايمىز جانە ۋكراين تاراپى مۇنداي جاعدايلاردىڭ قايتالانۋىنا جول بەرمەۋ ءۇشىن ناقتى شارالار قابىلدايدى دەپ كۇتەمىز»، – دەدى ايبەك سمادياروۆ.
ەسكە سالساق، 29 قاراشادا ۋكراينانىڭ ەكيپاجسىز كاتەرلەرى نوۆوروسسيسكىدەگى كاسپي قۇبىر كونسورتسيۋمىنىڭ (كتك) تەڭىز تەرمينالىنىڭ ايلاق قۇرىلعىسىن ىستەن شىعارعان بولاتىن. سونىڭ سالدارىنان مۇناي تيەۋ توقتاتىلعان ەدى. وسى قۇبىر ارقىلى مۇنايىنىڭ باسىم بولىگىن حالىقارالىق نارىققا شىعاراتىن قازاقستان ءبىر كۇن بۇرىن "مۇناي تاسىمالداۋدىڭ بالاما باعىتتارىن" قاراستىرادى دەگەن.
