تۇركىمەنستان قازاقستانعا گاز بەن ەلەكتر ەنەرگياسىن جەتكىزۋگە دايىن. بۇل تۋرالى حالىق ءماسليحاتىنىڭ توراعاسى گۋربانگۋلى بەردىمۇحامەدوۆ ايتتى، دەپ حابارلايدى «ادىرنا» ءتىلشىسى.
«تۇركىمەن تابيعي گازى مەن ەلەكتر ەنەرگياسىن قازاقستانعا، ازىربايجانعا جانە تۇركياعا ەكسپورتتاۋ ءۇشىن جاقسى مۇمكىندىكتەر بار. ءبىز باۋىرلاس ەلدەرگە ەنەرگەتيكالىق قاۋىپسىزدىكتى قامتاماسىز ەتۋدە ودان ءارى كومەك كورسەتۋگە دايىنبىز»,—دەدى ول تۇركى ەلدەرى اقساقالدار كەڭەسىنىڭ وتىرىسىندا.
قازىرگى تاڭدا ەل وزبەكستان مەن قىرعىزستانعا ەلەكتر ەنەرگياسىن ەكسپورتتاپ وتىر.
ايتا كەتەيىك، بۇعان دەيىن ەنەرگەتيكا مينيسترلىگىنىڭ كەڭەيتىلگەن القا وتىرىسىندا «KEGOC» اق باسقارما توراعاسى ءنابي ايتجانوۆ ەلىمىزدە ەلەكتر قۋاتىنىڭ تاپشىلىعى كۇتىلۋدە دەگەن مالىمدەدى جاسادى.
«2024 جىلدىڭ قازانىنان 2025 جىلدىڭ ناۋرىزىنا دەيىن ەلەكتر ەنەرگياسى بويىنشا دا، قۋاتى بويىنشا دا تاپشىلىقتار بولادى»،—دەدى باسشى.
