ماڭعىستاۋ پوليتسياسى باسشىلىعىنا قاتىستى تاراعان ايىپتاۋلار فەيك دەپ تانىلدى، دەپ حابارلايدى "ادىرنا" ۇلتتىق پورتالى.
الەۋمەتتىك جەلىدە ماڭعىستاۋ وبلىستىق پوليتسيا دەپارتامەنتىنىڭ باستىعى مەن ورىنباسارلارى «ۇيىمداسقان قىلمىستىق توپ قۇردى» دەگەن مازمۇنداعى ۇجىمدىق ارىز تاراعان.
وندا باسشىلىققا بيۋدجەت قارجىسىن جىمقىرۋ، تەندەرلەردى ء«وز ادامدارىمەن» جەڭىپ بەرۋ جانە جالعان قۇجاتتارعا قول قويدىرۋ سياقتى اۋىر ايىپتار تاعىلعان. ارىز اۆتورلارى اتالعان دەرەكتەر بويىنشا كەشەندى تەكسەرۋ جۇرگىزۋدى تالاپ ەتكەن.
الايدا ماڭعىستاۋ وبلىستىق پوليتسيا دەپارتامەنتىنىڭ ءباسپاسوز قىزمەتى بۇل اقپاراتتىڭ شىندىققا جاناسپايتىنىن مالىمدەپ، تاراعان حابارلامانى فەيك دەپ اتادى.
«تاراعان اقپارات شىندىققا سايكەس كەلمەيدى. بۇل – فەيك. جالعان مالىمەت تاراتۋ قر قىلمىستىق كودەكسىنىڭ 274-بابىنا ساي قىلمىستىق جاۋاپكەرشىلىككە اكەلەدى. ازاماتتاردى تەك رەسمي اقپاراتقا سەنۋگە شاقىرامىز»، – دەلىنگەن ۆەدومستۆو تاراتقان رەسمي حابارلامادا.
