سولتۇستىك قازاقستان وبلىسىندا چەليابى-نوۆوسيبيرسك تاسجولىندا 48 جاستاعى پوليتسەيدى كولىك قاعىپ كەتتى. جۇرگىزۋشى وقيعا ورنىنان قاشىپ كەتتى. بۇل اقپاراتتى وبلىستىق پوليتسيا دەپارتامەنتىنىڭ ءباسپاسوز قىزمەتى راستادى، دەپ حابارلايدى “ادىرنا” ۇلتتىق پورتالى.
ۆەدومستۆو مالىمەتىنشە، قىزمەتكەر وقيعا ورنىندا قازا تاپقان. بۇل فاكت بويىنشا قىلمىستىق ءىس قوزعالعان.
"28 ساۋىردە رەسپۋبليكالىق ماڭىزى بار چەليابى-نوۆوسيبيرسك تاسجولىندا 48 جاستاعى پوليتسيا قىزمەتكەرىن كولىك قاعىپ كەتىپ، ول العان جاراقاتىنان وقيعا ورنىندا قازا تاپتى. قازىرگى ۋاقىتتا جۇرگىزۋشىنى انىقتاۋ ماقساتىندا جەدەل-ىزدەستىرۋ شارالارى جۇرگىزىلىپ جاتىر. قىلمىستىق ءىس قوزعالدى", - دەلىنگەن حابارلامادا.
ۇقساس جاڭالىقتار
