Maŋǧystau polisiiasy basşylyǧyna qatysty taraǧan aiyptaular feik dep tanyldy, dep habarlaidy "Adyrna" ūlttyq portaly.
Äleumettık jelıde Maŋǧystau oblystyq polisiia departamentınıŋ bastyǧy men orynbasarlary «ūiymdasqan qylmystyq top qūrdy» degen mazmūndaǧy ūjymdyq aryz taraǧan.
Onda basşylyqqa biudjet qarjysyn jymqyru, tenderlerdı «öz adamdarymen» jeŋıp beru jäne jalǧan qūjattarǧa qol qoidyru siiaqty auyr aiyptar taǧylǧan. Aryz avtorlary atalǧan derekter boiynşa keşendı tekseru jürgızudı talap etken.
Alaida Maŋǧystau oblystyq polisiia departamentınıŋ baspasöz qyzmetı būl aqparattyŋ şyndyqqa janaspaitynyn mälımdep, taraǧan habarlamany feik dep atady.
«Taraǧan aqparat şyndyqqa säikes kelmeidı. Būl – feik. Jalǧan mälımet taratu QR Qylmystyq kodeksınıŋ 274-babyna sai qylmystyq jauapkerşılıkke äkeledı. Azamattardy tek resmi aqparatqa senuge şaqyramyz», – delıngen vedomstvo taratqan resmi habarlamada.
