«قايرات» ليگانىڭ ەكى ويىنىن «استانا ارەنادا» وتكىزەدى، دەپ حابارلايدى "ادىرنا" ۇلتتىق پورتالى.
فك «قايرات» پەن ۋەفا بىرلەسكەن شەشىم قابىلداپ، چەمپيوندار ليگاسىنىڭ جالپى كەزەڭىندەگى ەكى ەلدەگى ماتچىن استاناداعى «استانا ارەنا» ستاديونىندا وتكىزەتىن بولدى.
كلۋبتىڭ ءباسپاسوز قىزمەتىنىڭ مالىمەتىنشە، الماتىداعى ورتالىق ستاديوندا قىس مەزگىلىندە ويىن وتكىزۋ تاجىريبەسى جانكۇيەرلەر ءۇشىن قولايسىز جاعداي تۋعىزادى. ايازدى اۋا رايى، شاتىردىڭ بولماۋى جانە قار جاۋ قاۋپى ماتچتى وتكىزۋگە ءارى الاڭدى كۇتىپ-باپتاۋعا ەداۋىر كەدەرگى كەلتىرەدى.
وسىعان بايلانىستى جانكۇيەرلەردىڭ جايلىلىعى مەن قاۋىپسىزدىگىن قامتاماسىز ەتۋ ماقساتىندا 9 جەلتوقسانداعى «وليمپياكوسپەن» جانە 20 قاڭتارداعى «بريۋگگەمەن» وتەتىن كەزدەسۋلەر «استانا ارەنادا» ۇيىمداستىرىلماق.
بيلەتتەردىڭ باعاسى 15 000–50 000 تەڭگە ارالىعىندا بولادى. ساتىلىم 28 قاراشادا باستالادى، ءبىر ادامعا ەكى بيلەتتەن ارتىق ساتىلمايدى.
