«Қайрат» лиганың екі ойынын «Астана Аренада» өткізеді, деп хабарлайды "Адырна" ұлттық порталы.
ФК «Қайрат» пен УЕФА бірлескен шешім қабылдап, Чемпиондар лигасының жалпы кезеңіндегі екі елдегі матчын Астанадағы «Астана Арена» стадионында өткізетін болды.
Клубтың баспасөз қызметінің мәліметінше, Алматыдағы Орталық стадионда қыс мезгілінде ойын өткізу тәжірибесі жанкүйерлер үшін қолайсыз жағдай туғызады. Аязды ауа райы, шатырдың болмауы және қар жауу қаупі матчты өткізуге әрі алаңды күтіп-баптауға едәуір кедергі келтіреді.
Осыған байланысты жанкүйерлердің жайлылығы мен қауіпсіздігін қамтамасыз ету мақсатында 9 желтоқсандағы «Олимпиакоспен» және 20 қаңтардағы «Брюггемен» өтетін кездесулер «Астана Аренада» ұйымдастырылмақ.
Билеттердің бағасы 15 000–50 000 теңге аралығында болады. Сатылым 28 қарашада басталады, бір адамға екі билеттен артық сатылмайды.
