استانادا تاجىكستان رەسپۋبليكاسىنىڭ سوعدى وبلىسىنان اكەلىنگەن اۋىلشارۋاشىلىق ونىمدەرى مەن قولونەر بۇيىمدارىنىڭ جارمەڭكەسى ءوتىپ جاتىر، دەپ حابارلايدى "ادىرنا" ۇلتتىق پورتالى.
كورمەگە 1 مىڭ توننادان استام ءونىم قويىلعان. ونىڭ ىشىندە جاڭا پىسكەن جەمىس-جيدەك، كوكونىس، كەپتىرىلگەن جەمىستەر، جاڭعاقتار مەن باقشا داقىلدارى بار. بۇدان بولەك، كەلۋشىلەر ءداستۇرلى تاجىك قولونەرىنىڭ بىرەگەي بۇيىمدارىن ساتىپ الا الادى.
ۇيىمداستىرۋشىلاردىڭ ايتۋىنشا، ءىس-شارانىڭ باستى ماقساتى – شاعىن جانە ورتا بيزنەستەگى مەملەكەتارالىق ىنتىماقتاستىقتى دامىتۋ، ەكى ەل اراسىنداعى مادەني جانە ەكونوميكالىق بايلانىستى نىعايتۋ.
جارمەڭكە 16–17 تامىز كۇندەرى “بارىس ارەنا” مۇز سارايىنىڭ الدىنداعى الاڭدا وتەدى.
ۇقساس جاڭالىقتار
