استانا مەن تاشكەنت اراسىنداعى ءداستۇرلى باسەكە جاڭا كەزەڭگە كوتەرىلدى. بۇل تۋرالى ساياساتكەر دانيار اشىمباەۆ تەلەگرام ارناسىندا جازدى، دەپ حابارلايدى “ادىرنا” ۇلتتىق پورتالى.
ونىڭ ايتۋىنشا، بۇعان دەيىن قوناەۆ پەن راشيدوۆ، نازارباەۆ پەن كاريموۆ (قاسىم حان مەن مۇحاممەد شەيباني باستاعانىن بىلەسىزدەر) جارىسقا تۇسكەن. ەندى – توقاەۆ پەن ميرزيەەۆ جارىسۋدا.
ءبىز «جاڭا قازاقستاندى» سالىپ جاتىرمىز، ولار «جاڭا وزبەكستاندى» سالىپ جاتىر. ءبىز كونستيتۋتسيالىق رەفورما جۇرگىزدىك – ولار كونستيتۋتسيالىق رەفورما جۇرگىزدى. ءبىز پرەزيدەنتتى قايتا سايلادىق – ولار دا پرەزيدەنتتى قايتا سايلادى. بىزدە قاڭتار وقيعاسى بولدى، ولاردا نوكىس وقيعاسى بولدى. ءبىز كورشىلەرىمىزدى اينالىپ وتەتىن جاڭا جىبەك جولىن سالىپ جاتىرمىز، ولار ءبىزدى اينالىپ وتەتىن جىبەك جولىن سالىپ جاتىر. اقش مەملەكەتتىك حاتشىسى قازاقستاندى دا، وزبەكستاندى دا «ورتالىق ازيانىڭ كوشباسشىسى» دەپ اتادى. رەسەي وزبەكستاندا اتوم ەلەكتر ستانتسياسىن سالعالى جاتىر – الماتىدا الەكساندر نەۆسكيگە ەسكەرتكىش اشىلدى.
ەندى ولاردىڭ قورعاۋشىسى كىم دەگەن سۇراق تۋىندادى. ميرزيوەۆ الەمدە يسلاموفوبيامەن كۇرەسۋگە شاقىردى. توقاەۆ ەۋروپادا قۇراننىڭ ورتەنۋىن قاتاڭ ايىپتادى. ءداستۇر وسىنداي،- دەپ جازدى ول.
