مەملەكەت باسشىسى قاسىم-جومارت كەمەلۇلى ءوزىنىڭ حالىققا جولداۋىندا كاسىپكەرلىكتى جۇيەلى تۇردە قولداۋ كەرەكتىگىن ايتى، دەپ حابارلايدى «ادىرنا» ءتىلشىسى.
پرەزمدەنتتىڭ بۇل پارمەنى الماتىلىقتاردىڭ كاسىپ اشۋعا گرانت الىپ، جاڭا ماماندىقتى تەگىن يگەرۋىنە جول اقشانى اقيقات. بۇل تۋرالى قالالىق حالىقتى جۇمىسپەن قامتۋ ورتالىعىنىڭ ديرەكتورى ساعىندىق كەنجەباەۆ مالىمدەدى.
باسشىسىنىڭ ايتۋىنشا، الماتى قالالىق جۇمىسپەن قامتۋ ورتالىعىندا «2021-2025 جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوباسى» قارقىندى تۇردە جۇزەگە اسىپ كەلەدى.
«بىرىنشىدەن، مەگاپوليستە جۇمىسسىزداردى كاسىپتىك وقىتۋ بەلسەندى ءجۇرىپ جاتىر. وقىتۋ جۇمىس بەرۋشىلەردىڭ ءوتىنىشى بويىنشا وقۋ ورتالىقتارىندا جانە جۇمىس بەرۋشىلەردىڭ جۇمىس ورنىندا جۇرگىزىلەدى. وقۋ ۇزاقتىعى 6 ايعا دەيىن. جوباعا قاتىسۋشىلار وقۋ اقىسىن تولەۋ بويىنشا (50 مىڭ تەڭگە) مەملەكەتتىك قولداۋمەن، (20 949 تەڭگە) ستيپەنديامەن قامتاماسىز ەتىلەدى. وقۋ اياقتالعاننان كەيىن جۇمىس بەرۋشى جۇمىسسىزداردى العان ماماندىعى بويىنشا تۇراقتى جۇمىس ورنىنا (كەمىندە 12 اي مەرزىممەن) جۇمىسقا ورنالاستىرۋعا مىندەتتەنەدى»،- دەدى ول.
ايتۋىنشا، بيىل 25 ماماندىق بويىنشا 1002 ادامدى وقىتۋ جوسپارلانعان، بۇگىنگى تاڭدا كاسىپتىك وقىتۋ كۋرستارىنا 1003 ادام جىبەرىلدى، ونىڭ ىشىندە 659 ادام وقۋدى اياقتادى، 499 ادام العان ماماندىعى بويىنشا تۇراقتى جۇمىس ورىندارىنا ورنالاستى.
«بۇدان باسقا، جاپپاي كاسىپكەرلىكتى دامىتۋ شەڭبەرىندە ايلىق ەسەپتىك كورسەتكىشتىڭ 400 ەسەلەنگەن مولشەرىنە دەيىن مەملەكەتتىك گرانتتار بەرۋ كوزدەلگەن - بۇل جاڭا بيزنەستى باستاۋ جانە دامىتۋ ءۇشىن قايتارىمسىز نەگىزدە بەرىلەتىن باستاپقى كاپيتال. گرانت قاراجاتى ءىسىن جاڭا باستاعان جاس كاسىپكەرلەرگە، سونداي-اق جەكەلەگەن الەۋمەتتىك ساناتتارعا جاتاتىن ادامدارعا (29 جاسقا دەيىنگى جاس كاسىپكەرلەر، ااك جانە كوپ بالالى رەتىندە، اسىراۋشىسىنان ايىرىلعانعا بايلانىستى جاردەماقى الۋشىلار، قانداستار، مۇگەدەك بالانى تاربيەلەپ وتىرعان مۇگەدەكتىگى بار ادامدار) وزدەرىنىڭ بيزنەس-الەۋەتىن ىسكە اسىرۋعا، ءوندىرىستى جولعا قويۋعا جانە دامىتۋعا، سونىمەن قوسا ءوزىن تۇراقتى تابىسپەن قامتاماسىز ەتۋگە مۇمكىندىك بەرەدى»،- دەيدى ول.
ايتا كەتەيىك، گرانتتار كەلەسى باعىتتاردى دامىتۋعا عانا بەرىلەدى: قاجەتتى قۇرال-سايمانداردى، ەڭبەك قۇرالدارىن، تەحنولوگيالىق جابدىقتاردى، جانۋارلاردى، مالدى، قۇستى، كوشەتتەردى، بۇتالاردى، تۇقىمداردى، ساتىپ الۋ، ءۇي-جايدى جالعا الۋ اقىسىن تولەۋ.
«گرانتتار تۇتىنۋ ماقساتتارىنا، كرەديتتىك قارىزداردى وتەۋگە، تۇرعىن ءۇي جىلجىمايتىن مۇلىگىن ساتىپ الۋعا جانە سالۋعا، جەر ۋچاسكەلەرىن ساتىپ الۋعا، اكتسيزدەلەتىن ءونىم وندىرۋگە بەرىلمەيدى»،- دەپ ءتۇسىندىردى سپيكەر.
بۇگىنگى تاڭدا مەملەكەتتىك گرانتتاردى 483 ۇمىتكەر الدى. تاعى 1086 ۇمىتكەرگە بەرۋ جوسپاردا.
