2025 جىلعى 1 قاراشاداعى مالىمەت بويىنشا، جۇمىسسىزدىققا بايلانىستى الەۋمەتتىك تولەمدەردى ماسق-تەن الۋشىلار سانى 308,4 مىڭ ادامدى قۇرادى. بۇل تۋرالى ەڭبەك مينيسترلىگى مالىمدەدى، دەپ حابارلايدى "ادىرنا".
اقپاراتقا سايكەس، ولاردىڭ ىشىندە 268,6 مىڭ ادام وسى جىلى العاش رەت تولەم تاعايىنداتقان. جالپى تولەم سوماسى 106,8 ملرد تەڭگەگە جەتكەن. 2024 جىلعى كورسەتكىش بويىنشا، ماسق ارقىلى الەۋمەتتىك تولەمدەردى 1,4 ملن قازاقستاندىق العان.
جاردەماقىنىڭ ۇزاقتىعى 1-دەن 6 ايعا دەيىنگى ارالىقتا وزگەرەدى جانە جوعالعان تابىستىڭ 45%-ىنا دەيىنگى مولشەردە بەرىلەدى، بۇل جۇمىس ءوتىلى مەن سوڭعى ەكى جىلداعى ورتاشا تابىسقا بايلانىستى.
ايتا كەتەيىك، قازاقستاندا جۇمىسسىزدىق بويىنشا تولەمدەر ازامات رەسمي تۇردە جۇمىسسىز مارتەبەسىن العان كۇننەن باستاپ ەسەپتەلەدى.
الايدا، ونى الۋ ءۇشىن مىناداي شارتتار ساقتالۋعا ءتيىس:
- ءوتىنىش بەرۋشى رەسمي تۇردە جۇمىس ىستەگەن بولۋى كەرەك;
- ول ءۇشىن كەمىندە 6 اي بويى الەۋمەتتىك اۋدارىمدار جۇرگىزىلگەن بولۋى قاجەت;
- ازامات رەسمي تۇردە جۇمىسسىز مارتەبەسىن الۋى كەرەك.
