2025 jylǧy 1 qaraşadaǧy mälımet boiynşa, jūmyssyzdyqqa bailanysty äleumettık tölemderdı MÄSQ-ten aluşylar sany 308,4 myŋ adamdy qūrady. Būl turaly Eŋbek ministrlıgı mälımdedı, dep habarlaidy "Adyrna".
Aqparatqa säikes, olardyŋ ışınde 268,6 myŋ adam osy jyly alǧaş ret tölem taǧaiyndatqan. Jalpy tölem somasy 106,8 mlrd teŋgege jetken. 2024 jylǧy körsetkış boiynşa, MÄSQ arqyly äleumettık tölemderdı 1,4 mln qazaqstandyq alǧan.
Järdemaqynyŋ ūzaqtyǧy 1-den 6 aiǧa deiıngı aralyqta özgeredı jäne joǧalǧan tabystyŋ 45%-yna deiıngı mölşerde berıledı, būl jūmys ötılı men soŋǧy ekı jyldaǧy ortaşa tabysqa bailanysty.
Aita keteiık, Qazaqstanda jūmyssyzdyq boiynşa tölemder azamat resmi türde jūmyssyz märtebesın alǧan künnen bastap esepteledı.
Alaida, ony alu üşın mynadai şarttar saqtaluǧa tiıs:
- ötınış beruşı resmi türde jūmys ıstegen boluy kerek;
- ol üşın kemınde 6 ai boiy äleumettık audarymdar jürgızılgen boluy qajet;
- azamat resmi türde jūmyssyz märtebesın aluy kerek.
