ەر ادام ءوز قىزىنا ءبىر ميلليون تەڭگەدەن استام اليمەنت تولەمەگەن، دەپ حابارلايدى "ادىرنا" ءتىلشىسى.
شىعىس قازاقستان وبلىستىق پوليتسيا دەپارتامەنتىنىڭ كوشى-قون قىزمەتىنىڭ قىزمەتكەرلەرى جەتى جىل بويى كامەلەتكە تولماعان بالاسىنا اليمەنت تولەۋدەن جالتارعان ازاماتتى ۇستادى.
ونىڭ قارىز سوماسى ءبىر ميلليون تەڭگەدەن اسقان.
اليمەنت تولەۋدەن قاشقان اكە تارباعاتاي اۋدانىندا رەسمي تۇردە جۇمىس ىستەمەگەن. سول سەبەپتى دە ول قارجىلاي تولەمدى وتەمەگەن.
دەگەنمەن ەر ادام مىندەتتى تۇردە جۇمىسقا ورنالاساتىنىن جانە پەرزەنتىنىڭ الدىندا قارىزدارىن وتەيتىنىن ايتتى.
