جەلتوقسان وقيعاسىنا قاتىسۋشىلاردىڭ بىرجولعى تولەمدەرى كوبەيدى. بۇل جونىندە الماتى قالاسى ءماسليحاتىنىڭ دەپۋتاتتارى جەلتوقسان وقيعاسىنا قاتىسۋشىلارعا بەرىلەتىن بىرجولعى تولەمدى 250 مىڭ تەڭگەگە دەيىن كوتەرۋدى ۇسىندى، دەپ حابارلايدى “ادىرنا” ۇلتتىق پورتالى orda.kz سايتىنا سىلتەپ.
اكىمدىك مۇنى كەلەسى جىلعا جوسپارلاعان. دەگەنمەن الماتى اكىمى ەربولات دوساەۆ تاۋەلسىزدىك كۇنى قارساڭىندا ۇنەمدەۋ ارقىلى بۇعان مۇمكىندىكتى قاراستىرۋدى تاپسىردى.
ەسكە سالساق، 1986 جىلعى جەلتوقسان وقيعاسىنا قاتىسۋشىلار جىل سايىن 150 مىڭ تەڭگە كولەمىندە تولەم الادى. بيىل 702 جەلتوقسان وقيعاسى ارداگەرلەرىنە كومەك كورسەتىلەدى.
بۇعان دەيىن ەڭبەك مينيسترلىگى كاسىبي جاردەماقى تولەۋدىڭ جاڭا ەرەجەلەرىن ازىرلەگەن بولاتىن. ەندىگى جەردە قاۋىپتى وندىرىستەردە جۇمىس ىستەيتىن قازاقستاندىقتار ارنايى تولەمدەر الاتىن بولادى.
