لوندوندا الەمگە تانىمال قازاقستاندىق ءانشى ديماش قۇدايبەرگەننىڭ «Stranger» اتتى جەكە تۋرى اياسىنداعى كونتسەرتى ءوتتى. قازاقستان ءانۇرانى العاش رەت ايگىلى OVO Arena Wembley ساحناسىندا شىرقالدى، دەپ حابارلايدى «ادىرنا».
كونتسەرتتەن كەيىن ديماشتىڭ جانكۇيەرلەرى ەرەكشە ەموتسياعا بولەنىپ، ونى شىعارىپ سالۋعا قوناقۇي الدىنا اعىلىپ كەلدى. فاناتتار سۇيىكتى ءارتىسىنىڭ كولىگىن جان-جاقتان قورشاپ العان. ءانشىنىڭ ءوز پاراقشاسىنا جاريالاعان ۆيدەودا كورىنگەندەي، ديماش جۇرتتىڭ ىستىق ىقىلاسىن قابىل الىپ، كولىكتەن شىعىپ، ءتىپتى كولىكتىڭ توبەسىنە تۇرىپ جانكۇيەرلەرگە قولتاڭبا بەردى جانە ولارمەن سۋرەتكە ءتۇستى.
وسى ساتتە جينالعان حالىق حورمەن ونىڭ تانىمال «ۇمىتىلماس كۇن» ءانىن ورىنداپ، ەرەكشە اتموسفەرا قالىپتاستىرعان.
ءانشىنىڭ ايتۋىنشا، ۆيدەو كونتسەرتتەن كەيىن قوناقۇي الدىندا تۇسىرىلگەن.
«بارلىعىنا العىس ايتۋ ءۇشىن كولىكتىڭ توبەسىنە شىعۋعا تۋرا كەلدى»، – دەپ جازدى ديماش ۆيدەوسىنا.
OVO Arena Wembley ساحناسىندا قازاقستان ءانۇرانىنىڭ شىرقالۋى – قازاقستاندىق ونەر ءۇشىن تاريحي ءسات.
