قىتايدىڭ «Shenzhou-20» عارىش كەمەسى عارىشتىق قوقىسپەن سوقتىعىستى، دەپ حابارلايدى "ادىرنا" ۇلتتىق پورتالى.
سالدارىنان كەمە كورپۋسىندا تەرەڭ ويىق پايدا بولعان. وسىعان بايلانىستى عارىشكەرلەردىڭ جەرگە ورالۋى ۋاقىتشا كەيىنگە شەگەرىلدى.
اقپاراتقا سايكەس، كەمەنىڭ زاقىمدانۋى ونىڭ قاۋىپسىز قونۋىنا كەدەرگى كەلتىرۋى مۇمكىن. قازىر ينجەنەرلەر زاقىم كولەمىن جانە مۇمكىن بولاتىن تەحنيكالىق اقاۋلاردى انىقتاپ جاتىر.
ءۇش قىتايلىق استروناۆت ءساۋىر ايىنان بەرى «تيانگۋن» وربيتالىق ستانتسياسىندا عىلىمي زەرتتەۋلەر جۇرگىزىپ كەلەدى.
ولار عارىشتا اشىق كەڭىستىككە شىعۋ، تاجىريبەلەر جاساۋ جانە ۇزاقمەرزىمدى سالماقسىزدىق جاعدايىندا ءومىر ءسۇرۋ بويىنشا ميسسيالارىن ورىنداۋدا.
ۇقساس جاڭالىقتار
