عيماراتتىڭ قۇرىلىسىن جۇرگىزگەن «Broad Group» كومپانياسى ەكەن.
«Broad Group» كومپانياسىنا 10 قاباتتى ءۇيدىڭ قۇرىلىسىن سالۋعا ءبىر كۇننەن استام ۋاقىت جۇمساعان. دالىرەك ايتقاندا 28 ساعات 45 مينۋت! بولاشاقتا مۇنداي قۇرامالار قۇرىلىستا كوپ قاباتتى تۇرعىن ۇيلەر، جاتاقحانالار، قوناق ۇيلەر، اۋرۋحانالار سالۋ ءۇشىن پايدالانىلۋى مۇمكىن. ونىڭ ەڭ ەرەكشەلىكتەرىنىڭ ءبىرى ءاربىر قۇرىلىس ءمودۋلى بۇكتەلگەن كۇيىندە كولىك كونتەينەرىنىڭ ولشەمىمەن تەڭ بولۋى (12-18 مەتر). مودۋلدەردى قولدانىستاعى جەتكىزۋ ادىستەرىن قولدانا وتىرىپ، الەمنىڭ كەز-كەلگەن نۇكتەسىنە جەتكىزۋ وڭاي.
ءار مودۋل زاۋىتتا جينالادى جانە نەگىزىنەن سىم، وقشاۋلاۋ، اينەك جانە جەلدەتۋ جۇيەسى بار توت باسپايتىن بولاتتان جاسالعان قۇرىلىمنان تۇرادى. قاراپايىم تىلمەن ايتقاندا، نەگىزگى يدەيا عيماراتتىڭ بولىكتەرىن قۇراستىرمالى دايىن قۇرىلىس الاڭىنا جەتكىزۋ جانە قۇرىلىمدى بىرتىندەپ جيناۋ. سودان كەيىن ءۇي ەلەكتر جانە سۋ بايلانىستارىنا قوسىلادى.
عيماراتتى ءبىر كۇندە جيناۋ ءۇشىن «Broad Group» پروتسەستى تەزدەتۋ جانە جۇمىستى وسىنداي اسەرلى ۋاقىتتا ورىنداۋ ءۇشىن شاعىن قۇرىلىسشىلار توبىن جانە 3 مۇنارالىق كراندار پايدالانعان. الايدا، كومپانيا وكىلدەرى جۇمىسشىلاردىڭ ادەتتەگى سانى بار ستاندارتتى نىساندا عيمارات تەز سالىناتىنىن ايتادى.
قۇراما كونسترۋكتسيالار بەرىك، سەيسميكالىق ءتوزىمدى، قاجەت بولعان جاعدايدا بولشەكتەۋگە جانە تاسىمالداۋعا وڭاي ەكەن.
پىسى-مىسى: قازىرگى نارىقتا ۇيلەردىڭ باعاسى ۇشىپ تۇرعان ءبىزدىڭ ەلدە دە وسىنداي تەحنولوگيانى قولدانىپ، تەزدەتىپ ۇيلەردى سالىپ، حالىقتى تەز ارادا قولجەتىمدى باسپانامەن قامتاماسىز ەتسە... وزىندىك قۇنى دا الدەقايدا ارزانعا تۇسەر مە ەدى.
دوسبول ورازعاليۇلى،
"ادىرنا" ۇلتتىق پورتالى
