بۇگىن رەسمي دەمالىس، مەرەكە بولعانىمەن ق.توقاەۆ ۇقك توراعاسى ە.ساعىمباەۆتى قابىلداپتى. سودان سوڭ ۇقك توراعاسى ورىنباسارلارىنىڭ ءبىرىن قىزمەتىنەن بوساتىپ، ورنىنا جاڭادان باسقا ادام تاعايىنداپتى.
شاماسى پرەزيدەنت قاۋىپسىزدىك ماسەلەسىن تاعى پىسىقتاۋدى قۇپ كورگەن-اۋ. قالاي بولعاندا دا توڭىرەك تىنىش ەمەس. بىرەر كۇن بۇرىن ءبىزدىڭ جەرگە جارىلعىشى بار درون قۇلاعان. جىل باسىنان بەرى جارىلعىشتارى جوق بىرنەشە درون اۋە كەڭىستىگىمىزگە ءوتىپ كەتكەن.
ودان بولەك تەرروريزم، ەسىرتكى ساۋداسى سياقتى ماسەلەلەر بار. ۋكرايناداعى سوعىسقا قاتىسقاندار جايلى دا سوڭعى كەزدەرى ءبىراز اقپارات شىققان. سول سەبەپتى قاۋىپسىزدىككە جاۋاپتى تۇلعالاردا دەمالىس بولمايدى.
ال ۇقك توراعاسى ءبىراز مالىمەت ايتىپتى. مىسالى، جىل باسىنان بەرى ۇقك ەكسترەميزم مەن تەرروريزمگە قاتىسى بار 67 ادامدى ۇستاپتى. راديكالدىق اعىمدى ۇستاناتىن 83 ادام سوتتالىپتى. ۇقك مەن ءىىم بىرىگىپ 17 قىلمىستىق توپ جويىلىپ، ولاردىڭ 244 مۇشەسى ۇستالىپتى. 96 ادام قاماۋعا الىنعانى تاعى بار. ەل ىشىنەن 453 قارۋ، 64 گراناتا، التى مىڭعا جۋىق وق-ءدارى تاركىلەنىپتى. 16 ەسىرتكى زەرتحاناسى، 25 حالىقارالىق جانە 19 وڭىرلىك ەسىرتكى تاسىمالداۋ ارناسى جويىلعان ەكەن. 20 تونناعا جۋىق ەسىرتكى زاتتارى، سونىڭ ىشىندە 13 توننا كولۋمبيالىق كوكاين مەن 10 توننا پرەكۋرسور اينالىمنان شىعارىلعانىن جازدى اقوردانىڭ رەسمي تگ ارناسى.
جەمقورلىققا قاتىستى دا ءبىراز مالىمەت ايتىلىپتى رەسمي اقپاراتتا.
قىسقاسى، ءتۇرلى قاتەر ءالى دە بار دەگەن ءسوز. ايتپەسە دەمالىستا ۇقك باستىعى دا دەمالۋى كەرەك شىعار...
