Bügın resmi demalys, mereke bolǧanymen Q.Toqaev ŪQK töraǧasy E.Saǧymbaevty qabyldapty. Sodan soŋ ŪQK töraǧasy orynbasarlarynyŋ bırın qyzmetınen bosatyp, ornyna jaŋadan basqa adam taǧaiyndapty.
Şamasy prezident qauıpsızdık mäselesın taǧy pysyqtaudy qūp körgen-au. Qalai bolǧanda da töŋırek tynyş emes. Bırer kün būryn bızdıŋ jerge jarylǧyşy bar dron qūlaǧan. Jyl basynan berı jarylǧyştary joq bırneşe dron äue keŋıstıgımızge ötıp ketken.
Odan bölek terrorizm, esırtkı saudasy siiaqty mäseleler bar. Ukrainadaǧy soǧysqa qatysqandar jaily da soŋǧy kezderı bıraz aqparat şyqqan. Sol sebeptı qauıpsızdıkke jauapty tūlǧalarda demalys bolmaidy.
Al ŪQK töraǧasy bıraz mälımet aitypty. Mysaly, jyl basynan berı ŪQK ekstremizm men terrorizmge qatysy bar 67 adamdy ūstapty. Radikaldyq aǧymdy ūstanatyn 83 adam sottalypty. ŪQK men IIM bırıgıp 17 qylmystyq top joiylyp, olardyŋ 244 müşesı ūstalypty. 96 adam qamauǧa alynǧany taǧy bar. El ışınen 453 qaru, 64 granata, alty myŋǧa juyq oq-därı tärkılenıptı. 16 esırtkı zerthanasy, 25 halyqaralyq jäne 19 öŋırlık esırtkı tasymaldau arnasy joiylǧan eken. 20 tonnaǧa juyq esırtkı zattary, sonyŋ ışınde 13 tonna kolumbiialyq kokain men 10 tonna prekursor ainalymnan şyǧarylǧanyn jazdy Aqordanyŋ resmi TG arnasy.
Jemqorlyqqa qatysty da bıraz mälımet aitylypty resmi aqparatta.
Qysqasy, türlı qater älı de bar degen söz. Äitpese demalysta ŪQK bastyǧy da demaluy kerek şyǧar...
