قىزىلوردا وبلىسىندا رەسپۋبليكا كۇنىنە ارنالعان مەرەكەلىك سالتاناتتى شارا ءوتتى

قىزىلوردا قالاسىنداعى ونەر ورتالىعىندا وتكەن مەرەكەلىك سالتاناتتى شارادا وبلىس اكىمى نۇرلىبەك نالىباەۆ ايماق تۇرعىندارىن ۇلتتىق مەرەكە – رەسپۋبليكا كۇنىمەن قۇتتىقتاپ، ءوڭىردىڭ دامۋ باعىتتارى مەن جەتىستىكتەرىنە توقتالدى.

«بارشاڭىزدى ۇلتتىق مەرەكەمىز – رەسپۋبليكا كۇنىمەن شىن جۇرەكتەن قۇتتىقتايمىن! رەسپۋبليكا كۇنى – حالقىمىزدىڭ رۋحىن كوتەرىپ، ەلدىگىمىزدى نىعايتاتىن، بىرلىگىمىزدى بەكەمدەپ، ىنتىماعىمىزدى ارتتىراتىن ماڭىزدى مەرەكە.
پرەزيدەنتىمىز قاسىم-جومارت كەمەلۇلى توقاەۆ: «بۇل – قازاقتىڭ مەملەكەتتىلىك ءداستۇرى قايتا جاڭعىرعان تاريحي كۇن. كوك تۇرىكتەر داۋىرىنەن، التىن وردا، قازاق حاندىعى زامانىنان كەلە جاتقان ەلدىگىمىز تامىرىن تاپقان كۇن. بۇل – الاش ارىستارىنىڭ ازاتتىق جولىنداعى ارپالىسى اقتالعان كۇن» - دەگەن ەدى.

بابالارىمىزدىڭ ارمانى بولعان ازاتتىقتى ايالاۋ، حالقىمىزدىڭ تاتۋلىعىن ساقتاۋ – ءبارىمىزدىڭ باستى مۇراتىمىز»، – دەدى ايماق باسشىسى.

وبلىس اكىمى ءوز سوزىندە ءوڭىردىڭ الەۋمەتتىك-ەكونوميكالىق دامۋىنداعى وڭ وزگەرىستەرگە دە نازار اۋداردى.

بيىل وبلىستىڭ جالپى وڭىرلىك ءونىم كولەمى 3 ترلن. تەڭگەدەن اسادى. سوڭعى ءۇش جىلدا ايماق ەكونوميكاسىنا 1 تريلليون 600 ملرد. تەڭگە ينۆەستيتسيا قۇيىلسا، وسى جىلى 720 ملرد. تەڭگەدەن استام ينۆەستيتسيا تارتىلادى. 2025-2028 جىلدارى قۇنى 2 ترلن. تەڭگەدەن اساتىن 89 ينۆەستيتسيالىق جوبا اياسىندا 11 مىڭنان استام جاڭا جۇمىس ورنى اشىلادى.

پرەزيدەنت پەنۇكىمەتتىڭ ەرەكشە قولداۋىمەن وبلىس بيۋدجەتى 
 851 ملرد. 300 ملن. تەڭگەگە جەتىپ، 2022 جىلدان بەرى 233 پايىزعا ءوستى. ونىڭ 56 پايىزى الەۋمەتتىك سالاعا باعىتتالدى. دامۋ بيۋدجەتىنىڭ كولەمى 2021 جىلى 47 ملرد. تەڭگە بولسا، بيىل 207 ملرد. تەڭگەگە جەتىپ، 4,5 ەسە ارتتى.

بۇل قاراجات حالىقتىڭ ءومىر ساپاسىن ارتتىرۋعا، جاڭا ينفراقۇرىلىمدىق جوبالاردى جۇزەگە اسىرۋعا جانە ءوڭىردىڭ وزەكتى ماسەلەلەرىن شەشۋگە باعىتتالۋدا.

رەسپۋبليكا كۇنىنە ارنالعان سالتاناتتا ەل دامۋىنا سۇبەلى ۇلەس قوسقان بىرقاتار ازاماتتارعا مەملەكەتتىك ناگرادالار تابىستالدى. مەرەكەلىك ءىس-شارا وبلىس ونەرپازدارىنىڭ كونتسەرتىنە ۇلاستى.

رەسپۋبليكا كۇنى – ەل بىرلىگى مەن تاۋەلسىزدىكتىڭ نىشانى.
قىزىلوردا وبلىسى ۇلتتىق مەرەكەنى تولايىم تابىستارمەن، جارقىن جەتىستىكتەرمەن جانە ەلدىك رۋحتى اسقاقتاتقان قۋانىشپەن قارسى الدى.