Qyzylorda qalasyndaǧy Öner ortalyǧynda ötken merekelık saltanatty şarada oblys äkımı Nūrlybek Nälıbaev aimaq tūrǧyndaryn Ūlttyq mereke – Respublika künımen qūttyqtap, öŋırdıŋ damu baǧyttary men jetıstıkterıne toqtaldy.
«Barşaŋyzdy ūlttyq merekemız – Respublika künımen şyn jürekten qūttyqtaimyn! Respublika künı – halqymyzdyŋ ruhyn köterıp, eldıgımızdı nyǧaitatyn, bırlıgımızdı bekemdep, yntymaǧymyzdy arttyratyn maŋyzdy mereke.
Prezidentımız Qasym-Jomart Kemelūly Toqaev: «Būl – qazaqtyŋ memlekettılık dästürı qaita jaŋǧyrǧan tarihi kün. Kök türıkter däuırınen, Altyn Orda, Qazaq handyǧy zamanynan kele jatqan eldıgımız tamyryn tapqan kün. Būl – Alaş arystarynyŋ azattyq jolyndaǧy arpalysy aqtalǧan kün» - degen edı.
Babalarymyzdyŋ armany bolǧan azattyqty aialau, halqymyzdyŋ tatulyǧyn saqtau – bärımızdıŋ basty mūratymyz», – dedı aimaq basşysy.
Oblys äkımı öz sözınde öŋırdıŋ äleumettık-ekonomikalyq damuyndaǧy oŋ özgerısterge de nazar audardy.
Biyl oblystyŋ jalpy öŋırlık önım kölemı 3 trln. teŋgeden asady. Soŋǧy üş jylda aimaq ekonomikasyna 1 trillion 600 mlrd. teŋge investisiia qūiylsa, osy jyly 720 mlrd. teŋgeden astam investisiia tartylady. 2025-2028 jyldary qūny 2 trln. teŋgeden asatyn 89 investisiialyq joba aiasynda 11 myŋnan astam jaŋa jūmys orny aşylady.
Prezident penÜkımettıŋ erekşe qoldauymen oblys biudjetı
851 mlrd. 300 mln. teŋgege jetıp, 2022 jyldan berı 233 paiyzǧa östı. Onyŋ 56 paiyzy äleumettık salaǧa baǧyttaldy. Damu biudjetınıŋ kölemı 2021 jyly 47 mlrd. teŋge bolsa, biyl 207 mlrd. teŋgege jetıp, 4,5 ese artty.
Būl qarajat halyqtyŋ ömır sapasyn arttyruǧa, jaŋa infraqūrylymdyq jobalardy jüzege asyruǧa jäne öŋırdıŋ özektı mäselelerın şeşuge baǧyttaluda.
Respublika künıne arnalǧan saltanatta el damuyna sübelı üles qosqan bırqatar azamattarǧa memlekettık nagradalar tabystaldy. Merekelık ıs-şara oblys önerpazdarynyŋ konsertıne ūlasty.
Respublika künı – el bırlıgı men täuelsızdıktıŋ nyşany.
Qyzylorda oblysy ūlttyq merekenı tolaiym tabystarmen, jarqyn jetıstıktermen jäne eldık ruhty asqaqtatqan quanyşpen qarsy aldy.
