رەسەيباسى ءپۋتيننىڭ ماجارستانعا باراتىنى جىر بولدى. الگىندە ترامپ شاقىرىپ، ءپۋتيندى ەۋروپاداعى ورباننىڭ ەلىندە كۇتەتىن بولعان. بىراق، باسقىنشىلىعى ءۇشىن بۇكىل الەمگە جەكسۇرىن بولعان كرەمل قوجايىنىنىڭ ماجار ەلىنە بارۋى ۇلكەن ماسەلە بوپ تۇر. ەۋروپا ەلدەرى ءپۋتيننىڭ ۇشاعىن ءوز اۋە كەڭىستىگىنە كىرگىزبەيتىنىن ايتۋدا.
اۋەلى، ليتۆا سويلەدى. ء«بىز ۆەنگرياعا ۇشىپ باراتىن ءپۋتيننىڭ ۇشاعىن ءوز اسپانىمىزبەن ۇشىرمايمىز. جولىن تاپسىن دا، اينالىپ ءوتسىن. پۋتينگە ەۋروپادا ءبىر-اق قالادا ورىن بار. ول - گااگا!»، - دەدى ليتۆا ءسىم-ءى.
بۇگىن پولشا سويلەدى. «ەگەر پۋتين پولشا اسپانىمەن ۇشاتىن بولسا، ءبىز ونى تۇتقىنداپ حقس سوتىنا تاپسىرۋىمىز مۇمكىن. پولشانىڭ تاۋەلسىز سوتى كۇدىكتى ۇشاقتى ماجبۇرلەپ قوندىرىپ، ىشىندەگىلەردى گااگا سوتىنا تاپسىرۋ تۋرالى شەشىم شىعارماسىنا ءبىز كەپىلدىك بەرمەيمىز»، - دەدى پولشا ءسىم-ءى.
ال بولگاريا پۋتين ۇشاعىن ءوز اۋە كەڭىستىگىنە كىرگىزۋى مۇمكىن ەكەنىن ايتتى. «ەگەر بۇل كەزدەسۋ سوعىستى توقتاتۋعا، تاراپتاردى بەيبىتشىلىككە جاقىنداتۋعا ىقپال ەتسە، وندا رەسەي پرەزيدەنتىنىڭ ۇشاعىن ءوز اسپانىمىزعا كىرگىزە الامىز»، - دەدى.
بىراق، بولگاريا ۆەنگريامەن شەكتەسپەيدى. بىراق، قوس ەل سەربيامەن شەكارالاسادى.
قازىر ءپۋتيننىڭ بۋداپەشتكە جەتۋىنە ەكى جول جاتىر:
ءبىرى – وككۋپاتسياداعى قىرىم ارقىلى (قارا تەڭىز) بولگارياعا جەتۋ. ءارى قاراي سەربيا اسپانى ارقىلى ۆەنگرياعا جەتۋ.
ەكىنشىسى – قارا تەڭىزدەن جەرورتا تەڭىزىنە ءوتىپ، ودان ءارى نە قاراتاۋعا (مونتونەگرو) نەمەسە سولتۇستىك ماكەدونياعا جەتىپ، ءارى قاراي سەربياعا ءوتىپ، بەلگراد ارقىلى بۋداپەشتكە جەتۋ.
