بەلگىلى ءدىنتانۋشى، تەولوگ نۇرلان قاجى بايجىگىتۇلى ۆاشينگتوندا اقش پرەزيدەنتى دونالد ترامپتىڭ قاتىسۋىمەن وتكەن ءداستۇرلى قايىرىمدىلىق ءىس-شاراعا باردى. بۇل تۋرالى يمام الەۋمەتتىك جەلىدەگى پاراقشاسىندا جازدى، دەپ حابارلايدى "ادىرنا".
ونىڭ ايتۋىنشا، شاراعا دونالد ترامپتىڭ ءوزى قاتىسىپ، الەمنىڭ ءار تۇكپىرىنەن كەلگەن ەكى مىڭعا جۋىق تۇلعا باس قوسقان.
نۇرلان يمام بۇل جيىننىڭ ەرەكشە ماڭىزعا يە ەكەنىن اتاپ ءوتىپ، جاستاردىڭ ءبىلىم مەن عىلىمعا، وركەنيەت پەن مادەنيەتكە ۇمتىلۋى قاجەت ەكەنىن جەتكىزدى.
«امەريكا قۇراما شتاتتارىنىڭ استاناسى ۆاشينگتوندا ادەتتەگى 74-ءشى تاڭعى اس راسىمىنە كەلدىم. اقش-پرەزيدەنتى ترامپ مىرزا ءوزى قاتىساتىن اس ەكى مىڭداي الەم تۇلعالارىن جينايتىن بۇل ەرەكشە جيىن. جاستارىمىز ءبىلىم مەن عىلىم، وركەنيەت پەن مادەنيەتكە ۇمتىلىپ، يماندىلىقپەن ۇشتاسقان سالتىمىزدى بەكەم ۇستانسا،الار اسۋى شىڭدار بولىپ، جاھاننىڭ تالاي ەسىكتەرى اشىلاتىنى اقيقات»، – دەپ جازدى يمام.
ەسكە سالساق، 2024 جىلى اقپان ايىندا دا اقش پرەزيدەنتىنىڭ قاتىسۋىمەن اق ۇيدە قايىرىمدىلىق اسى وتكەن بولاتىن. حالىقارالىق شاراعا قازاقستاننان نۇرلان قاجى بايجىگىتۇلى قاتىسقان ەدى.
