ۋكراينا پرەزيدەنتى ۆلاديمير زەلەنسكي كەلەسى اپتادا ۋكراينا مەن امەريكا دەلەگاتسيالارى اراسىندا جوسپارلانعان كەلىسسوزدەر وتەتىنىن مالىمدەدى. بۇل تۋرالى زەلەنسكي ح الەۋمەتتىك جەلىسىندە ايتتى، دەپ حابارلايدى «ادىرنا” ۇلتتىق پورتالى.
زەلەنسكيدىڭ ايتۋىنشا، ەكى ەلدىڭ كوماندالارى ءوزارا ءىس-قيمىلدى قالپىنا كەلتىردى، ال ۋكراين تاراپى ەكىجاقتى ديالوگ كونسترۋكتيۆتى جانە مازمۇندى بولادى دەپ سەنەدى. ول كەلىسسوزدەر كيەۆ پەن ۆاشينگتون اراسىنداعى ىنتىماقتاستىقتى نىعايتۋداعى ماڭىزدى كەزەڭگە اينالاتىنىنا سەنىم ءبىلدىردى.
امەريكالىق شەنەۋنىكتەر كەزدەسۋدىڭ ساۋد ارابياسىندا وتەتىنىن جانە دايىندىق ءجۇرىپ جاتقانىن راستادى. دەگەنمەن، كۇن ءتارتىبىنىڭ ءمان-جايلارى، قاتىسۋشىلاردىڭ قۇرامى جانە نەگىزگى تالقىلاۋ تاقىرىپتارى ءالى بەلگىسىز.
سونىمەن قاتار، زەلەنسكي ەۋروپالىق سەرىكتەستەرگە كومەك كورسەتكەنى ءۇشىن العىس ءبىلدىردى جانە وداقتاستاردىڭ بىرلىگى قازىرگى حالىقارالىق جاعدايدا شەشۋشى ءرول اتقاراتىنىن اتاپ ءوتتى. ول ۋكراينا ەۋروپانىڭ، اسىرەسە الەمدىك ساياساتتاعى وسىنداي قيىن كەزەڭدە كورسەتكەن ىنتىماقتى جوعارى باعالايتىنىن اتاپ ءوتتى.
ايتا كەتسەك، اقش پرەزيدەنتى دونالد ترامپ كونگرەستە مالىمدەمە جاساپ، زەلەنسكيدەن ماڭىزدى حات كەلگەنىن ايتقان بولاتىن. ترامپ حاتتا ۆلاديمير زەلەنسكيدەن بەيبىت كەلىسىم جاساۋعا دايىن ەكەنى تۋرالى جازىلعانىن راستاعان بولاتىن.
