رەسەي پرەزيدەنتى ۆلاديمير پۋتين ەل شەنەۋنىكتەرىنە سويلەگەندە نەمەسە رەسمي قۇجاتتاردا شەت تىلدىك سوزدەردى قولدانۋعا تىيىم سالاتىن زاڭعا قول قويدى. بۇل تۋرالى "كوممەرسانت" پورتالى جاريالادى، دەپ حابارلايدى “ادىرنا” ۇلتتىق پورتالى.
"رەسەي فەدەراتسياسىنىڭ مەملەكەتتىك ءتىلى تۋرالى" زاڭعا تۇزەتۋلەر ەنگىزىلۋدە. زاڭ نورمالارى بارلىق مەنشىك نىسانىنداعى ۇيىمداردىڭ رەسەيلىكتەرمەن رەسمي قارىم-قاتىناستارى مەن رەسمي حات الماسۋلارى ءۇشىن، مەملەكەتتىك جانە مۋنيتسيپالدىق اقپاراتتىق جۇيەلەر ءۇشىن، سونداي-اق تاۋارلاردى تۇتىنۋشىلارعا ارنالعان اقپاراتتار ءۇشىن مىندەتتى بولاتىنى اتاپ وتىلگەن.
سونداي-اق، قۇجاتتا ورىس ءتىلىن شەت تىلىمەن شۇبارلاتا سويلەۋدەن قورعاۋ كەرەكتىگى ايتىلعان. تەك ورىس تىلىندە انالوگى جوق سوزدەرگە عانا قولدانۋ رۇقسات ەتىلگەن.
انالوگى جوق شەتەل سوزدەرىنىڭ ءتىزىمى ارنايى سوزدىكتەر مەن انىقتامالىقتاردا جاريالاناتىن بولادى. ولاردى ورىس ءتىلى جونىندەگى كوميسسيانىڭ ۇسىنىستارى نەگىزىندە ۇكىمەت بەكىتپەك.
