تۇركىستان قالاسىنىڭ اكىمى ازىمبەك پازىلبەكۇلىنىڭ توراعالىعىمەن پايدالانۋداعى كوپقاباتتى تۇرعىن ۇيلەردىڭ وزەكتى ماسەلەلەرىنە ارنالعان ارنايى جيىن ءوتتى. كەزدەسۋگە قۇرىلىس، ساۋلەت جانە قۇرىلىس ساپاسىن باقىلاۋ ماماندارى، سونداي-اق قالا اۋماعىندا جۇمىس اتقارىپ جاتقان بىرقاتار مەردىگەر مەكەمەلەردىڭ وكىلدەرى قاتىستى.
جيىن بارىسىندا قالا باسشىسى تۇرعىندار تاراپىنان تۇسكەن ارىز - شاعىمدار مەن ارالاۋ بارىسىندا انىقتالعان كەمشىلىكتەردى نەگىزگە الا وتىرىپ، تۇرعىن ءۇي قۇرىلىس ساپاسىنا قاتىستى سىن-ەسكەرتپەلەر ايتتى. اتاپ ايتقاندا، «دوس ي ك سەرۆيس» جشس، «اق نۇر-ستروي» جشس، «ازيم ستروي» جشس، «ساحا - 2005» جشس، «تالاپ ستروي» جشس جانە «ارۋ - تام» جشس سىندى مەردىگەر ۇيىمداردىڭ جاۋاپتى نىساندارىندا انىقتالعان.
جاقىن ارادا مەردىگەر مەكەمەلەر تاراپىنان پايدالانۋداعى تۇرعىن ۇيلەردىڭ كەمشىلىكتەرى تولىق رەتكە كەلتىرىلىپ، ساپاسىن جاقسارتۋ بويىنشا ءتيىستى شارالار قابىلداناتىن بولادى.
سونداي-اق، قالا باسشىسى سالاعا جاۋاپتى ءبولىم باسشىلارى مەن قۇرىلىس كومپانيالارىنىڭ جۇمىسىن تۇراقتى قاتاڭ باقىلاۋدا بولاتىنىن، ساپاسىز جۇمىس ورىن العان جاعدايدا ءتيىستى شارالار قابىلداناتىن ايتتى.
ايتا كەتەيىك، بۇگىندپ تۇركىستان قالاسىندا 420 كوپقاباتتى تۇرعىن ءۇي بار. تۇرعىندار تاراپىنان تۇسكەن ءاربىر ارىز-شاعىم قالا اكىمىنىڭ ءجىتى نازارىندا. مەردىگەر مەكەمەلەر مەن تۇرعىندار تاراپىنان ورىن العان كەمشىلىكتەر تولىق رەتكە كەلتىرىلەتىن بولادى.
ۇقساس جاڭالىقتار
