«رەال مادريد» كلۋبىنىڭ باس باپكەرى حابي الونسو «قايرات» كومانداسىمەن بولعان ويىننان كەيىن پىكىر ءبىلدىردى، دەپ حابارلايدى «ادىرنا» ءتىلشىسى.
«قايرات» – جاقسى كوماندا، ولار چەمپيوندار ليگاسىندا ويناۋعا ابدەن لايىق. الماتى كلۋبىنىڭ جانكۇيەرلەرى ءۇشىن بۇل ۇلكەن ماڭىزعا يە وقيعا ەكەنىن تۇسىنەمىز. ءبىزدى وسى ستاديوندا وتە جاقسى قارسى الدى. ماتچ باسىندا قارسىلاس تاراپىنان ءبىر-ەكى قاۋىپتى ءسات بولدى. گيۋلەر دە ارىپتەستەرىمەن جاقسى ءتۇسىنىستى. «قايراتتىڭ» قارقىنى ءبىزدى تاڭعالدىردى. الماتىداعى ۋاقىت؟ ءبىز مۇندا تەك جۇمىس بابىمەن كەلدىك، بىراق ەگەر ۋاقىتىمىز كوبىرەك بولعاندا، تاۋعا مىندەتتى تۇردە شىعاتىن ەدىك»،– دەدى ول.
باس باپكەر «رەال مادريد» فۋتبولشىلارىنىڭ جاقسى ويىن ورنەگىن كورسەتكەندەرىن اتاپ ءوتتى.
«بىزدە ناقتى ماقسات بولدى. ول – ماتچتى جەڭىپ، چەمپيوندار ليگاسىنداعى ويىنىمىزدى جەڭىسپەن جالعاستىرۋ. قالعان ويىنداردى دا جەڭۋگە تىرىسامىز. ءبىزدىڭ ماقساتىمىز ورىندالدى، بارلىق ويىنشى جوعارى دەڭگەيدە ونەر كورسەتتى. ۆالۆەردە مە؟ ول ارقاشان دايىن. ەگەر ويىن باسقا ارناعا بۇرىلعاندا، ءبىز ونى الاڭعا شىعار ەدىك. ۋاقىتتى دۇرىس ءبولۋىمىز قاجەت. كارەرراس پەن ۆالۆەردە كوپتەگەن ماتچقا قاتىستى، سوندىقتان ءبىز ولارعا دەمالىس بەردىك. قازىرگى ۋاقىتتا مباپپە ءار ويىندا نەگىزگى ءرول اتقارىپ ءجۇر. ول كوپتەگەن ساتتەردى ناتيجەلى اياقتايدى. ءبىز ءۇشىن سول مۇمكىندىكتەردى جاساۋ ماڭىزدى»،–دەپ تولىقتىردى الونسو
ەسكە سالايىق، چەمپيوندار ليگاسىنىڭ جالپى كەزەڭىنىڭ ەكىنشى تۋرى اياسىندا «قايرات» ءوز الاڭىندا «رەال مادريد» كومانداسىنان 0:5 ەسىبىمەن ۇتىلدى.
