ميۋنحەندىك «باۆاريا» كلۋبىنىڭ باس باپكەرى ۆەنسان كومپاني جاتتىعۋ بازاسىندا ەسىنەن تانىپ، اۋرۋحاناعا جەتكىزىلدى، دەپ حابارلايدى "ادىرنا" ۇلتتىق پورتالى.
23 قازاندا نەمىس بۇقارالىق اقپارات قۇرالدارى 40 جاستاعى مامانعا شۇعىل مەديتسينالىق كومەك كورسەتىلگەنىن جازدى. وقيعا كومپاني كلۋبتىڭ رەزەرۆتىك كومانداسىنىڭ جاتتىعۋىن باقىلاپ وتىرعان كەزدە بولعان.
«باۆاريا» كلۋبى باپكەردىڭ اۋرۋحاناعا جاتقىزىلعانىن راستادى. قازىر ول دارىگەرلەردىڭ باقىلاۋىندا. كلۋبتىڭ مالىمەتىنشە، كومپاني مەديتسينالىق تەكسەرۋدەن ءوتىپ جاتىر. ول قايتا ورالعانعا دەيىن باپكەردىڭ كومەكشىلەرى جاتتىعۋلار مەن ماتچتەرگە جەتەكشىلىك ەتەدى.
بۇعان دەيىن بەلگيالىق مامان ۆيرۋستىق ينفەكتسيا جۇقتىرىپ، بىرنەشە جاتتىعۋعا جانە لوندوننىڭ «ارسەنالىنا» قارسى چەمپيوندار ليگاسى ءماتچىنىڭ الدىنداعى ءباسپاسوز ءماسليحاتىنا قاتىسا الماعان ەدى.
الايدا كومپاني كەيىن جۇمىسقا ورالىپ، «ارسەنالمەن» 2:2 ەسەبىمەن اياقتالعان كەزدەسۋدە كومانداسىن باسقاردى. ماتچتان كەيىن ول دەنساۋلىعىنا قاتىستى بەلگىلەرگە ءمان بەرمەي، جۇمىسىن جالعاستىرا بەرگەنىن مويىنداعان.
