ۋەفا چەمپيوندار ليگاسىنىڭ پلەي-وفف ىرىكتەۋ كەزەڭىندەگى «قايرات» – «سەلتيك» ماتچىنىڭ بيلەتتەرى نەبارى 1,5 ساعات ىشىندە ساتىلىپ كەتتى، دەپ حابارلايدى "ادىرنا" ۇلتتىق پورتالى.
بۇل تۋرالى كلۋب باسشىلىعى مالىمدەدى.
«SOLD OUT! «قايرات» – «سەلتيك» ماتچىنىڭ بارلىق بيلەتتەرى ساتىلدى! چەمپيوندار ليگاسى پلەي-وفف كەزەڭىنىڭ قارىمتا ماتچى 26 تامىز كۇنى ساعات 21:45-تە الماتىنىڭ ورتالىق ستاديونىندا وتەدى. بۇل ماتچقا رەكوردتىق قىزىعۋشىلىق تىركەلدى – 100 مىڭنان استام بيلەتكە ءوتىنىم ءتۇستى. ناتيجەسىندە بيلەتتەردىڭ بۇكىل قولجەتىمدى بولىگى 1,5 ساعاتقا جەتپەي تولىق ساتىلىپ كەتتى»- دەلىنگەن «قايرات» فۋتبول كلۋبىنىڭ Instagram پاراقشاسىندا.
كورەرمەندەرگە ماتچ باستالاردان 2–3 ساعات بۇرىن ستاديونعا كەلۋ ەسكەرتىلدى. سەبەبى كىرەبەرىستە تەكسەرۋ شارالارىنان ءوتۋ ۋاقىتىنا بايلانىستى كەزەك پەن ىڭعايسىزدىق تۋىنداۋى مۇمكىن. سونداي-اق ستاديونعا كىرۋ ءۇش قاقپا ارقىلى جۇزەگە اساتىنى ايتىلدى:
- اباي داڭعىلى جاعىنان،
- ساتباەۆ كوشەسى جاعىنان،
- بايتۇرسىنوۆ كوشەسى جاعىنان.
الايدا «قايرات» جانكۇيەرلەرى بيلەتتەردىڭ تىم تەز ساتىلىپ ايتۋدا. ولار بيلەتتەردىڭ باسىم بولىگى الىپساتارلاردىڭ قولىنا تۇسكەنىن ايتادى. سەبەبى تانىمال پلاتفورمالاردا بيلەتتەردى قايتا ساتۋعا ارنالعان حابارلاندىرۋلار پايدا بولعان. جانكۇيەرلەر كلۋب باسشىلىعىنان شۇعىل شارا قابىلداۋدى تالاپ ەتىپ، الىپساتارلاردان بيلەت الماۋعا شاقىردى.
