ۇلىتاۋ وبلىسى مەملەكەتتىك قولداۋ، جاڭا جۇمىس ورىندارى مەن دامۋ پەرسپەكتيۆالارى ارقىلى الماتى، جامبىل، ماڭعىستاۋ، تۇركىستان، قىزىلوردا، جەتىسۋ وبلىستارىنىڭ، سونداي-اق استانا، الماتى جانە شىمكەنت قالالارىنىڭ تۇرعىندارىن تۇراقتى قىزمەتتەرگە شاقىرادى.
ءوز ءومىرىن ۇلىتاۋ وبلىسىنىڭ قالا نەمەسە اۋداندارىمەن بايلانىستىرۋدى شەشكەن ءاربىر وتباسىعا قارجىلاي قولداۋ كورسەتىلەدى: قونىس اۋدارۋعا 70 اەك (257 240 تەڭگە) مولشەرىندە ءاربىر وتباسى مۇشەسىنە بىرجولعى سۋبسيديا، ءبىر جىل بويى اي سايىن 117 960 تەڭگەگە دەيىنگى تۇرعىن ءۇي جالداۋ اقىسى مەن كوممۋنالدىق قىزمەتتەر وتەماقىسى، سونداي-اق جەكە تۇرعىن ءۇي قۇنىنىڭ 50%-ىنا دەيىنگى (4,5 ملن تەڭگەدەن اسپايتىن) وتەماقى ۇسىنىلادى.
ءوڭىر تۇراقتى جۇمىسپەن قامتۋدى قامتاماسىز ەتەدى: ءبىلىم بەرۋ، دەنساۋلىق ساقتاۋ، IT جانە تەلەكوممۋنيكاتسيا، مادەنيەت، سپورت، ونەركاسىپ سالالارىندا، سونداي-اق جۇمىسشى جانە بىلىكتىلىگى جوق قىزمەتكەرلەرگە ارنالعان 1000-نان استام بوس جۇمىس ورنى بار.
بۇگىنگى ۇلىتاۋ – تەك باي تاريح پەن مادەنيەت قانا ەمەس، سونىمەن بىرگە قارقىندى دامىپ كەلە جاتقان ينفراقۇرىلىم، الەۋمەتتىك نىساندار قۇرىلىسى، كاسىپكەرلىك پەن وتباسىلاردىڭ جايلى ءومىر سۇرۋىنە جاڭا مۇمكىندىكتەر.
باعدارلاماعا قاتىسۋعا وتىنىشتەر ونلاين تۇردە Migration.enbek.kz پورتالى ارقىلى قابىلدانادى.
سونىمەن بىرگە اۋىلدىق ەلدى مەكەندەرگە، كەنتتەرگە، اۋداندىق جانە وبلىستىق ماڭىزى بار قالالارعا باسقا وڭىرلەرىنەن كەمىندە بەس جىل مەرزىمگە جۇمىس ىستەۋ ءۇشىن جىبەرىلگەن مەديتسينا جانە فارماتسەۆتيكا قىزمەتكەرلەرىنە بىرجولعى الەۋمەتتىك قولداۋ كورسەتۋ مولشەرى 5 ميلليون تەڭگەدەن باستاپ
8 سەگىز ميلليون تەڭگەگە دەيىنگى كولەمدە بەلگىلەنەدى. ەگەر ءسىز دارىگەر بولساڭىز تولىق اقپاراتتى 8 708 717 0233 ءنومىرى ارقىلى بىلە الاسىز.
ۇلىتاۋ – بۇل سەنىم، جاڭا كوكجيەكتەر جانە ءاربىر وتباسى ءۇشىن لايىقتى ءومىر. بولاشاعىن بۇگىننەن باستاپ قۇرىپ جاتقان وڭىرگە قوسىلىڭىز!
انىقتاما تەلەفوندارى: 8 708 070 0607, 8 707 918 98 06
