Ūlytau oblysy memlekettık qoldau, jaŋa jūmys oryndary men damu perspektivalary arqyly Almaty, Jambyl, Maŋǧystau, Türkıstan, Qyzylorda, Jetısu oblystarynyŋ, sondai-aq Astana, Almaty jäne Şymkent qalalarynyŋ tūrǧyndaryn tūraqty qyzmetterge şaqyrady.
Öz ömırın Ūlytau oblysynyŋ qala nemese audandarymen bailanystyrudy şeşken ärbır otbasyǧa qarjylai qoldau körsetıledı: qonys audaruǧa 70 AEK (257 240 teŋge) mölşerınde ärbır otbasy müşesıne bırjolǧy subsidiia, bır jyl boiy ai saiyn 117 960 teŋgege deiıngı tūrǧyn üi jaldau aqysy men kommunaldyq qyzmetter ötemaqysy, sondai-aq jeke tūrǧyn üi qūnynyŋ 50%-yna deiıngı (4,5 mln teŋgeden aspaityn) ötemaqy ūsynylady.
Öŋır tūraqty jūmyspen qamtudy qamtamasyz etedı: bılım beru, densaulyq saqtau, IT jäne telekommunikasiia, mädeniet, sport, önerkäsıp salalarynda, sondai-aq jūmysşy jäne bılıktılıgı joq qyzmetkerlerge arnalǧan 1000-nan astam bos jūmys orny bar.
Bügıngı Ūlytau – tek bai tarih pen mädeniet qana emes, sonymen bırge qarqyndy damyp kele jatqan infraqūrylym, äleumettık nysandar qūrylysy, käsıpkerlık pen otbasylardyŋ jaily ömır süruıne jaŋa mümkındıkter.
Baǧdarlamaǧa qatysuǧa ötınışter onlain türde Migration.enbek.kz portaly arqyly qabyldanady.
Sonymen bırge auyldyq eldı mekenderge, kentterge, audandyq jäne oblystyq maŋyzy bar qalalarǧa basqa öŋırlerınen kemınde bes jyl merzımge jūmys ısteu üşın jıberılgen medisina jäne farmasevtika qyzmetkerlerıne bırjolǧy äleumettık qoldau körsetu mölşerı 5 million teŋgeden bastap
8 segız million teŋgege deiıngı kölemde belgılenedı. Eger sız därıger bolsaŋyz tolyq aqparatty 8 708 717 0233 nömırı arqyly bıle alasyz.
Ūlytau – būl senım, jaŋa kökjiekter jäne ärbır otbasy üşın laiyqty ömır. Bolaşaǧyn bügınnen bastap qūryp jatqan öŋırge qosylyŋyz!
Anyqtama telefondary: 8 708 070 0607, 8 707 918 98 06
