جەزقازعان قالاسىندا رەنوۆاتسيا باعدارلاماسىن ىسكە اسىرۋ شەڭبەرىندە اباي كوشەسى №53, 55, 57, 59 مەكەنجايلارىندا ورنالاسقان اپاتتى تۇرعىن ۇيلەردى ءسۇرۋ جۇمىستارى قارقىن الدى.
جۇمىستار كەزەڭ-كەزەڭىمەن جۇزەگە اسىرىلۋدا. اتاپ ايتقاندا، ءبىرىنشى كەزەڭدە اباي كوشەسىندەگى №57 تۇرعىن ءۇي سۇرىلۋدە. كەلەسى كەزەڭدە قاجەتتى دايىندىق جانە ۇيىمداستىرۋ جۇمىستارى اياقتالعاننان كەيىن №59 تۇرعىن ءۇيدى بۇزۋ جوسپارلانۋدا.
دەمونتاج بارىسىندا شىعارىلعان قۇرىلىس قالدىقتارى مەن قوقىستار ارنايى تەحنيكا ارقىلى قالالىق قاتتى تۇرمىستىق قالدىقتار پوليگونىنا تاسىمالدانىپ، بەلگىلەنگەن تالاپتارعا سايكەس ورنالاستىرىلۋدا.
اتالعان جوبا قالانىڭ تۇرعىن ءۇي قورىن جاڭعىرتۋعا، تۇرعىنداردىڭ قاۋىپسىزدىگىن ارتتىرۋعا جانە زاماناۋي تۇرعىن ءۇي ينفراقۇرىلىمىن دامىتۋعا باعىتتالعان.
ايتا كەتەيىك، بۇل ءتورت تۇرعىن ءۇيدىڭ ورنىنا ەكى بلوكتان تۇراتىن جاڭا كوپقاباتتى تۇرعىن ءۇي سالۋ جوسپارلانىپ وتىر.
