سيان قالاسىندا قر باس كونسۋلدىعىنىڭ قولداۋىمەن ۇلىتاۋ وبلىسى مەن شەنسي پروۆينتسياسى اراسىنداعى ساۋدا-ەكونوميكالىق ىنتىماقتاستىق فورۋمى ءوتتى.
جوعارى دەڭگەيدەگى كەلىسسوزدەر جۇرگىزۋ، وزاراتۇسىنىستىك تۋرالى مەموراندۋمدارعا قول قويۋ جانە ەكى جاقتىڭ ستراتەگيالىق سەرىكتەستىگىن نىعايتۋعا باعىتتالعان.
ءىس-شاراعا ۇلىتاۋ وبلىسىنىڭ اكىمى، مەملەكەتتىك ورگاندار وكىلدەرىنەن قۇرالعان ۇلىتاۋ وبلىسىنىڭ دەلەگاتسياسى، سونداي-اق قىتايلىق جانە قازاقستاندىق كومپانيالاردان 100-گە جۋىق وكىل قاتىستى.
فورۋم اياسىندا ۇلىتاۋ وبلىسىنىڭ ينۆەستيتسيالىق الەۋەتى، ىنتىماقتاستىقتىڭ نەگىزگى باعىتتارى جانە ءوڭىردىڭ پەرسپەكتيۆالى ينۆەستيتسيالىق جوبالارى تانىستىرىلدى.
ونەركاسىپتى، تۇرعىن ءۇي-كوممۋنالدىق ينفراقۇرىلىمدى جانە اگروونەركاسىپتىك كەشەندى دامىتۋعا ەرەكشە نازار اۋدارىلدى.
سونداي-اق، G2B جانە B2B فورماتتارىندا كەزدەسۋلەر ءوتتى.
فورۋم قورىتىندىسى بويىنشا جالپى قۇنى 12.5 ميلليارد تەڭگەنى قۇرايتىن ىنتىماقتاستىق تۋرالى 6 مەموراندۋمعا قول قويىلدى.
قۇجات كەلەسى باعىتتار بويىنشا بىرلەسكەن جوبالاردى ىسكە اسىرۋدى كوزدەيدى:
- جەزقازعان، ساتباەۆ جانە قاراجال قالالارىنداعى تۇرعىن ۇيلەردى قايتا جاڭعىرتۋ;
- مەتاللۋرگيالىق شلاكتاردى قايتا وڭدەۋ;
- ءسۇت-تاۋار فەرماسىن سالۋ.
ۇلىتاۋ وبلىسىنىڭ اكىمى ءوڭىردىڭ جوعارى ينۆەستيتسيالىق الەۋەتىن جانە حالىقارالىق ىنتىماقتاستىققا اشىقتىعىن اتاپ ءوتتى:
ء«بىز ينۆەستورلار ءۇشىن قولايلى جاعداي جاساۋعا دايىنبىز. بۇگىننىڭ وزىندە بىرقاتار كومپانيا ۇلىتاۋ وبلىسى اۋماعىندا ينۆەستيتسيالىق جوبالاردى ىسكە اسىرۋعا دايىن» — دەدى ءوڭىر باسشىسى.
