ءماجىلىستىڭ جالپى وتىرىسىندا دەپۋتات ارداق نازاروۆ تىكەلەي ەفيردى پايدالانىپ، 70 جاسقا تولعان اناسىن تۋعان كۇنىمەن قۇتتىقتادى، دەپ حابارلايدى "ادىرنا" ۇلتتىق پورتالى.
نەگىزگى ءبولىم اياقتالعان سوڭ دەپۋتاتتارعا ءتۇرلى مەملەكەتتىك ورگان باسشىلارىنا ساۋال قويۋ مۇمكىندىگى بەرىلگەن ەدى. وسى ءساتتى پايدالانىپ، ارداق نازاروۆ الدىمەن ءماجىلىس ۆيتسە-سپيكەرى دانيا ەسپاەۆادان رۇقسات سۇراپ، اناسىنا جىلى لەبىزىن ءبىلدىردى.
«قادىرلى اناشىم، ءسىزدى تۋعان كۇنىڭىزبەن شىن جۇرەكتەن قۇتتىقتايمىن! ءسىزدىڭ مەيىرىمگە تولى جۇرەگىڭىز بەن جۇزىڭىزدەن توگىلگەن نۇرعا شومىلىپ ءوستىم. اناشىم، اكەتايىم ەكەۋىڭىز قۇستىڭ قوس قاناتىنداي ماڭگى بىرگە بولىپ، قۇداي بەرە سالعان نەمەلەرىڭىزدىڭ قىزىعىن كورىڭىزدەر. اناشىم، مەن ءسىزدى قاتتى جاقسى كورەمىن، ءسىزدىڭ الدىڭىزدا باسىمدى يەمىن. بارشاڭىزدىڭ انالارىڭىز امان بولسىن!» – دەدى دەپۋتات.
ول ءسوزىن اياقتاعاننان كەيىن پرەمەر-ءمينيستردىڭ ورىنباسارى ەرمەك كوشەرباەۆقا دەپۋتاتتىق ساۋالىن جولداپ، قازاقستان اسكەرىنە قاتىستى بىرنەشە ۇسىنىسىن ورتاعا سالدى.
