تابيعاتقا ادامزات اتاۋلىدان ارتىق زالال كەلتىرەتىن تىرشىلىك يەسى جوق. بۇگىنگى تاڭدا تابيعاتتى قورعاۋعا دەگەن قۇلشىنىسىمىز قاعاز بەتىندە قالىپ كەلەدى. قاي سالاعا قاراماڭىز احۋال وسى. تارقاتىپ كورەلىك. الەمدە تۇرمىستىق قالدىقتاردىڭ كولەمى 2 ملرد توننانى قۇرايدى ەكەن. بولجام بويىنشا 2050 جىلعا قاراي بۇل ساندار 70 پايىزعا ارتىپ، 3,4 ملرد تونناعا دەيىن جەتەتىن كورىنەدى. 4,5 ملن تونناسى قازاقستانعا تيەسىلى. بىراق ونىڭ از بولىگى عانا وڭدەلەدى.
ماسەلەن، ەۋروپا ەلدەرىندە تۇرمىستىق قالدىقتاردى قايتا وڭدەيتىن 500 مىڭنان استام كاسىپورىن جۇمىس ىستەپ تۇر. ءتىپتى، كاسىپورىندارعا قوقىس جەتپەي قالاتىن كەزدەردە بولعانعا ۇقسايدى. ال ءبىزدىڭ ەلدە كاسىپورىن ورىن تۇرماق قوقىس توگەتىن پوليگونداردىڭ جاعدايى ءماز ەمەس. ماڭىنان وتكەن ادامنىڭ مازاسى قاشادى. جالپى ەلىمىزدە 22 ميلليارد تونناعا جۋىق قوقىس پەن 3 مىڭنان استام قوقىس پوليگونى بار. ونىڭ 601-ءى عانا ەكولوگيالىق جانە سانيتارلىق تالاپتارعا سايكەس كەلەدى. ال 8 884 رۇقسات ەتىلمەگەن قوقىس ورنى انىقتالعان. ساندار سەسكەندىرەدى. قايتا وڭدەۋدەگى ۇلەسىمىز نەبارى 15 پايىز. ەندى ويلاي بەرىڭىز. قوقىس قازاق دالاسىن جۇتىپ بارادى. قاجەتىن قالتاعا سالىپ، قالعانىن قوقىسقا اينالدىرۋدى ادەتكە اينالدىرىپ العانبىز. بۇلاي جالعاسا بەرسە، سالدارى اۋىر بولارى انىق. عالىمداردىڭ پايىمداۋىنشا، ادامنىڭ ۇزاق ءومىر ءسۇرۋى 50 پايىز – ءومىر ءسۇرۋ سالتىنا، 20 پايىز – قورشاعان ورتا جاعدايلارىنا، 12 پايىز – دەنساۋلىق ساقتاۋ سالاسىنىڭ الەۋەتىنە بايلانىستى ەكەن.
ەلىمىزدە جىل سايىن قاتەرلى ىسىككە شالدىققان 36 مىڭعا جۋىق ادام تىركەلەدى. جۇرەك-قان تامىرلارى اۋرۋلارىنان زارداپ شەگەتىن 2 ميلليوننان استام وتانداسىمىز بار. دەنساۋلىق ساقتاۋ سالامىزدىڭ وڭىپ تۇرماعانىن ەسكەرسەك، جاعداي مۇلدە قورقىنىشتى. قورشاعان ورتانىڭ احۋالى كوزگە كورىنىپ-اق تۇر. قاۋلاپ بارا جاتقان قاۋىپتى دەرتتەر ادامزاتتىڭ ءوز قولىمەن جاسالىپ جاتقانى وكىنىشتى. كىمگە سەنەمىز؟ وسىندايدا ەل مەن ەكولوگيانىڭ جايىن قاتار ويلايتىن پارتيا كەرەكتىگى كورىنەدى. جەر كولەمى بويىنشا العاشقى وندىققا كىرەمىز دەپ ماقتانامىز، بىراق جەردىڭ قادىرىن ءبىلىپ جاتقانىمىز شامالى. سول وندىقتاعى كانادا ەلىندە ەكولوگيالىق باعىتتاعى 8 پارتيا بار. جەر كولەمى بىزدەن الدەقايدا كىشى سەربيانىڭ وزىندە باقانداي 5 پارتيا. باۋىرلاس تۇرىك ەلىندە 2 پارتيانىڭ ساياساتتاعى سالماعى بار. ءتىپتى، كورشى وزبەك ەلىندە ەكولوگيالىق پارتيانىڭ بىتىرگەنى ءبىرشاما. ال ءبىزدىڭ ەلدە شە؟
وسىعان دەيىن پارلامەنتتە وتىرعانداردىڭ اندا-ساندا ءبىر توبە كورسەتىپ قوياتىنى بولماسا، ادام دەنساۋلىعى مەن ەكولوگيا ماسەلەسىن قابىستىرا سويلەگەنىن كورگەن ەمەسپىز. بۇل جولى دا ەكولوگياعا قۇلىقسىز پارتيالاردىڭ پارلامەنتكە وتكەنىن قالامايمىز. ال «بايتاق» باعىتى اۋقىمدى ءتيىمدى بالاما. جاسىلدار پارتياسى پارلامەنتتەن ورىن السا، تالاي كاسىپورىنداردىڭ ءتىلى قىسقارىپ، وسىعان دەيىن كەلتىرگەن زالالدارىنا جاۋاپ بەرەتىنى انىق. بۇل ەشقانداي دا «حايپ» ەمەس. راسىندا، پارلامەنتكە ەكوپارتيا بارماي ءىس بىتپەيدى.
سەبەبى ەكونوميكامىز ەكولوگيامەن بايلانىستى. كاسىپورىنداردىڭ كەساپاتى كەڭىردەگىمىزگە جەتتى. بارىنە توقتاۋ سالاتىن كەز كەلدى. بۇعان «بايتاق» پارتياسىنىڭ قايراتى مەن قاۋقارى دا جەتەدى. سوندىقتان الداعى سايلاۋدا قالىس قالماي، «بايتاققا» داۋىس بەرىڭىز!
دايىنداعان: «بايتاق» پارتياسىنىڭ ءباسپاسوز قىزمەتى
تاپسىرىس بەرۋشى: ازاماتحان ءامىرتاي
«بايتاق» پارتياسىنىڭ سايلاۋ قورى قاراجاتى ەسەبىنەن تولەندى.
داۋلەت جانبەكوۆ
"ادىرنا" ۇلتتىق پورتالى
