شىۇ-عا مۇشە ەلدەر باسشىلارى كەڭەسى قىتايداعى سامميت قورىتىندىسى بويىنشا تيانتسزين دەكلاراتسياسىن ماقۇلدادى, دەپ حابارلايدى «ادىرنا» ءتىلشىسى.
قۇجاتتا ىشكى ىستەرگە ارالاسپاۋ، كۇش قولدانباۋ جانە بىرجاقتى سانكتسيالاردى قابىلداماۋ قاعيداتتارى بەكىتىلگەن.
مەملەكەتتەر قاۋىپسىزدىك سالاسىندا، سونىڭ ىشىندە جاساندى ينتەللەكت دامۋىنا بايلانىستى تۋىندايتىن تاۋەكەلدەرگە قاتىستى بىرلەسىپ جۇمىس ىستەۋگە دايىن ەكەنىن راستادى جانە اسكەري ىنتىماقتاستىقتى كەڭەيتۋگن نيەت ءبىلدىردى.
قاتىسۋشىلار اقش پەن ءيزرايلدىڭ يرانعا جاساعان سوققىلارىن ايىپتاپ، يادرولىق نىساندارعا زيان كەلتىرۋدىڭ جول بەرىلمەيتىنىن اتاپ ءوتتى، سونداي-اق بۇۇ قاۋىپسىزدىك كەڭەسىنىڭ تەگەرانعا قارسى سانكتسيالارىن قالپىنا كەلتىرۋ جونىندەگى «ەۋروۇشتىكتىڭ» باستاماسىن قابىلدامادى.
دەكلاراتسيادا تەرروريزمگە جانە ونى باعالاۋداعى «قوس ستاندارتتارعا» قارسى ۇستانىمدار، اۋعانستاندى تۇراقتاندىرۋعا قولداۋ، يادرولىق قارۋدى تاراتپاۋ جانە عارىشتى قارۋدان تازا ساقتاۋ ماسەلەلەرى دە قامتىلعان.
قۇجاتتا «مەملەكەتتەردىڭ ەگەمەندىگىن، تاۋەلسىزدىگىن، اۋماقتىق تۇتاستىعىن ءوزارا قۇرمەتتەۋ، تەڭقۇقىلىق، ءوزارا پايدا، ىشكى ىستەرگە ارالاسپاۋ، كۇش قولدانباۋ نەمەسە كۇش قولدانامىن دەپ قوقان-لوققى جاساماۋ قاعيداتتارى — حالىقارالىق قاتىناستاردىڭ تۇراقتى دامۋىنىڭ نەگىزى» دەپ كورسەتىلگەن. الايدا ۋكرايناعا قاتىستى ەشتەڭە ايتىلماعان.
«ەكىنشى دۇنيەجۇزىلىك سوعىستان كەيىنگى ەۋروپاداعى ەڭ ۇلكەن باسقىنشىلىق سوعىستىڭ وسىنداي ماڭىزدى، ىرگەلى قۇجاتتا ەشقانداي كورىنىس تاپپاۋى تاڭعالارلىق، الايدا وندا الەمدەگى باسقا بىرقاتار سوعىس، تەراكتىلەر مەن وقيعالار اتالعان»، - دەپ مالىمدەگەن ۋكراينا سىرتقى ىستەر مينيسترلىگى.
