ŞYŪ-ǧa müşe elder basşylary keŋesı Qytaidaǧy sammit qorytyndysy boiynşa Tianszin deklarasiiasyn maqūldady, dep habarlaidy «Adyrna» tılşısı.
Qūjatta ışkı ısterge aralaspau, küş qoldanbau jäne bırjaqty sanksiialardy qabyldamau qaǧidattary bekıtılgen.
Memleketter qauıpsızdık salasynda, sonyŋ ışınde jasandy intellekt damuyna bailanysty tuyndaityn täuekelderge qatysty bırlesıp jūmys ısteuge daiyn ekenın rastady jäne äskeri yntymaqtastyqty keŋeitugn niet bıldırdı.
Qatysuşylar AQŞ pen İzraildıŋ İranǧa jasaǧan soqqylaryn aiyptap, iadrolyq nysandarǧa ziian keltırudıŋ jol berılmeitının atap öttı, sondai-aq BŪŪ Qauıpsızdık keŋesınıŋ Tegeranǧa qarsy sanksiialaryn qalpyna keltıru jönındegı «euroüştıktıŋ» bastamasyn qabyldamady.
Deklarasiiada terrorizmge jäne ony baǧalaudaǧy «qos standarttarǧa» qarsy ūstanymdar, Auǧanstandy tūraqtandyruǧa qoldau, iadrolyq qarudy taratpau jäne ǧaryşty qarudan taza saqtau mäselelerı de qamtylǧan.
Qūjatta «memleketterdıŋ egemendıgın, täuelsızdıgın, aumaqtyq tūtastyǧyn özara qūrmetteu, teŋqūqylyq, özara paida, ışkı ısterge aralaspau, küş qoldanbau nemese küş qoldanamyn dep qoqan-loqqy jasamau qaǧidattary — halyqaralyq qatynastardyŋ tūraqty damuynyŋ negızı» dep körsetılgen. Alaida Ukrainaǧa qatysty eşteŋe aitylmaǧan.
«Ekınşı düniejüzılık soǧystan keiıngı Europadaǧy eŋ ülken basqynşylyq soǧystyŋ osyndai maŋyzdy, ırgelı qūjatta eşqandai körınıs tappauy taŋǧalarlyq, alaida onda älemdegı basqa bırqatar soǧys, teraktıler men oqiǧalar atalǧan», - dep mälımdegen Ukraina syrtqy ıster ministrlıgı.
