تالعات مومىشەۆ سۋ رەسۋرستارى جانە يرريگاتسيا ۆيتسە-ءمينيسترى بولىپ تاعايىندالدى. بۇل تۋرالى بۇگىن، 25 تامىزدا پرەمەر-ءمينيستردىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
تالعات امانگەلدىۇلى 1968 جىلى اقمولا وبلىسىندا دۇنيەگە كەلگەن. ءار جىلدارى كوممەرتسيالىق قۇرىلىمداردا جۇمىس ىستەدى، ساۋدا سالاسىندا كاسىپكەرلىك قىزمەتپەن اينالىسقان.
1997–1998 جىلدارى جامبىل ستاندارتتاۋ، مەترولوگيا جانە سەرتيفيكاتتاۋ ورتالىعىنىڭ ءبولىم باستىعى، ديرەكتوردىڭ ورىنباسارى بولىپ جۇمىس ىستەگەن. 1998–2000 جىلدارى — جامبىل وبلىسى اكىمىنىڭ اپپاراتىندا جالپى ءبولىمنىڭ اعا رەفەرەنتى جانە ينۆەستيتسيالار جانە سىرتقى ەكونوميكالىق بايلانىستار كوميتەتىنىڭ توراعاسى، 2000–2010 جىلدارى ارالىعىندا قازاقستان رەسپۋبليكاسى يندۋستريا جانە ساۋدا مينيسترلىگىندە جۇمىس ىستەدى. «مەترولوگيا» رمك الماتى فيليالىنىڭ باسشىسى، «ۇلتتىق اككرەديتتەۋ ورتالىعى» رمك ديرەكتورىنىڭ ءبىرىنشى ورىنباسارى، استانا قالاسى بويىنشا «ۇلتتىق ساراپتاما جانە سەرتيفيكاتتاۋ ورتالىعى» اق وندىرىستىك باسقارماسىنىڭ باستىعى جانە تەحنيكالىق رەتتەۋ جانە مەترولوگيا كوميتەتى توراعاسىنىڭ ورىنباسارى قىزمەتىن اتقارقان.
2010–2014 جىلدارى — يندۋستريا جانە جاڭا تەحنولوگيالار مينيسترلىگى تەحنيكالىق رەتتەۋ جانە مەترولوگيا كوميتەتى توراعاسىنىڭ ورىنباسارى، قر مۇناي جانە گاز مينيسترلىگى مۇناي-گاز كەشەنىندەگى مەملەكەتتىك ينسپەكتسيا كوميتەتىنىڭ توراعاسى، 2014– 2016 جىلدارى — قر ەنەرگەتيكا مينيسترلىگى مۇناي-گاز كەشەنىندەگى ەكولوگيالىق رەتتەۋ، باقىلاۋ جانە مەملەكەتتىك ينسپەكتسيا كوميتەتىنىڭ توراعاسى، 2016–2018 جىلدارى — قر پرەزيدەنتى اكىمشىلىگىنىڭ مەملەكەتتىك باقىلاۋ جانە ۇيىمداستىرۋ-اۋماقتىق جۇمىس ءبولىمىنىڭ مەملەكەتتىك ينسپەكتورى، 2018–2019 جىلدارى — جامبىل وبلىسى اكىمىنىڭ ورىنباسارى بولعان.
2019 جىلدان 2021 جىلعا دەيىن قر ەنەرگەتيكا مينيسترلىگى جاۋاپتى حاتشى جانە اپپارات باسشىسى بولىپ قىزمەت ەتتى. 2021–2023 جىلدارى — قر ەكولوگيا، گەولوگيا جانە تابيعي رەسۋرستار ۆيتسە-ءمينيسترى، 2023–2024 جىلدارى — قر ساۋدا جانە ينتەگراتسيا مينيسترلىگى «ۇلتتىق اككرەديتتەۋ ورتالىعى» رمك باس ديرەكتورى بولدى.
2024 جىلعى شىلدەدەن باستاپ قازىرگى ۋاقىتقا دەيىن ەۋرازيالىق ەكونوميكالىق كوميسسيانىڭ تەحنيكالىق رەتتەۋ جانە اككرەديتتەۋ دەپارتامەنتى ديرەكتورى بولىپ جۇمىس ىستەدى.
