Talǧat Momyşev Su resurstary jäne irrigasiia vise-ministrı bolyp taǧaiyndaldy. Būl turaly bügın, 25 tamyzda Premer-ministrdıŋ baspasöz qyzmetı jazdy, dep habarlaidy «Adyrna» tılşısı.
Talǧat Amangeldıūly 1968 jyly Aqmola oblysynda düniege kelgen. Är jyldary kommersiialyq qūrylymdarda jūmys ıstedı, sauda salasynda käsıpkerlık qyzmetpen ainalysqan.
1997–1998 jyldary Jambyl Standarttau, metrologiia jäne sertifikattau ortalyǧynyŋ bölım bastyǧy, direktordyŋ orynbasary bolyp jūmys ıstegen. 1998–2000 jyldary — Jambyl oblysy äkımınıŋ apparatynda jalpy bölımnıŋ aǧa referentı jäne investisiialar jäne syrtqy ekonomikalyq bailanystar komitetınıŋ töraǧasy, 2000–2010 jyldary aralyǧynda Qazaqstan Respublikasy İndustriia jäne sauda ministrlıgınde jūmys ıstedı. «Metrologiia» RMK Almaty filialynyŋ basşysy, «Ūlttyq akkreditteu ortalyǧy» RMK direktorynyŋ bırınşı orynbasary, Astana qalasy boiynşa «Ūlttyq saraptama jäne sertifikattau ortalyǧy» AQ öndırıstık basqarmasynyŋ bastyǧy jäne Tehnikalyq retteu jäne metrologiia komitetı töraǧasynyŋ orynbasary qyzmetın atqarqan.
2010–2014 jyldary — İndustriia jäne jaŋa tehnologiialar ministrlıgı Tehnikalyq retteu jäne metrologiia komitetı töraǧasynyŋ orynbasary, QR Mūnai jäne gaz ministrlıgı Mūnai-gaz keşenındegı memlekettık inspeksiia komitetınıŋ töraǧasy, 2014– 2016 jyldary — QR Energetika ministrlıgı Mūnai-gaz keşenındegı Ekologiialyq retteu, baqylau jäne memlekettık inspeksiia komitetınıŋ töraǧasy, 2016–2018 jyldary — QR Prezidentı Äkımşılıgınıŋ Memlekettık baqylau jäne ūiymdastyru-aumaqtyq jūmys bölımınıŋ memlekettık inspektory, 2018–2019 jyldary — Jambyl oblysy äkımınıŋ orynbasary bolǧan.
2019 jyldan 2021 jylǧa deiın QR Energetika ministrlıgı jauapty hatşy jäne apparat basşysy bolyp qyzmet ettı. 2021–2023 jyldary — QR ekologiia, geologiia jäne tabiǧi resurstar vise-ministrı, 2023–2024 jyldary — QR Sauda jäne integrasiia ministrlıgı «Ūlttyq akkreditteu ortalyǧy» RMK bas direktory boldy.
2024 jylǧy şıldeden bastap qazırgı uaqytqa deiın Euraziialyq ekonomikalyq komissiianyŋ Tehnikalyq retteu jäne akkreditteu departamentı direktory bolyp jūmys ıstedı.
