قورعانىس مينيسترلىگى اسكەرگە جاستاردىڭ قولىن قايىرىپ، كۇشتەپ الىپ كەتۋى قانشالىقتى زاڭدى ەكەنىن ايتتى، دەپ حابارلايدى “ادىرنا” ۇلتتىق پورتالى.
ۆيتسە-مينيستر اسكەرگە شاقىرىلعانداردى كوشەدەن كۇشتەپ الىپ كەتۋگە قاتىستى قورعانىس مينيسترلىگىنىڭ ۇستانىمى قانداي ەكەنىن ايتىپ، پىكىر بىلدىرگەن.
ء"بىز قۇقىقتىق مەملەكەت قۇرۋ تۋرالى ايتىپ جاتىرمىز. زاڭ بار، ءار ازامات بۇل زاڭدى ورىنداۋعا مىندەتتى. ازامات سالىق تولەمەگەندە جاۋاپقا تارتىلادى، بۇل ماسەلەنى ەشكىم تالقىلامايدى. بۇل جەردە دە قوس ستاندارت بولماۋى كەرەك. زاڭنىڭ اتى زاڭ. زاڭ قاتال، بىراق ول زاڭ، سوندىقتان اربىر ازامات ورىنداۋعا مىندەتتى", – دەدى ۆيتسە-مينيستر.
سۇلتان كامالەتدينوۆ ەگەر قازاقستاندىقتار قۇزىرلى ورگانداردىڭ قاندايدا ءبىر ارەكەتىن زاڭسىز دەپ ساناسا، سوتقا جۇگىنە الاتىنىن ايتتى.
