قر ۇكىمەتىنىڭ قاۋلىسىمەن المات قۇرمانعازىۇلى ماداليەۆ باسقا جۇمىسقا اۋىسۋىنا بايلانىستى قر ادىلەت ۆيتسە-ءمينيسترى قىزمەتىنەن بوساتىلدى. بۇل تۋرالى قر پرەمەر-ءمينيسترىنىڭ ءباسپاسوز قىزمەتى حابارلادى، دەپ جازادى "ادىرنا" ۇلتتىق پورتالى.
المات قۇرمانعازىۇلى ماداليەۆ 1986 جىلى الماتى قالاسىندا دۇنيەگە كەلگەن.
ءال-فارابي اتىنداعى قازاق ۇلتتىق ۋنيۆەرسيتەتىن جانە دجوردج ۆاشينگتون ۋنيۆەرسيتەتى جانىنداعى زاڭ مەكتەبىن (اقش) تامامداعان.
ەڭبەك جولىن 2004 جىلى «جاستار تاڭداۋى» قق زاڭگەر بولىپ باستاعان.
2009-2010 جىلدارى رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىندە ءتۇرلى لاۋازىمداردا قىزمەت اتقاردى.
2010 جىلعى قازان ايىنان باستاپ قر ادىلەت مينيسترلىگىنىڭ قۇرىلىمىندا جۇمىس ىستەدى.
2019 جىلدىڭ ناۋرىز ايىنان باستاپ – قر ادىلەت ۆيتسە-ءمينيسترى.
"ادىرنا" ۇلتتىق پورتالى